ԱՄՆ-ում բոլոր ընտրատեղամասերը փակվել են։ Կոնգրեսի միջանկյալ ընտրությունների քվեարկությունն ավարտվել է։
Վերջինը փակվել են Ալյասկայի ընտրատեղամասերը։
Ամերիկյան լրատվամիջոցների կանխատեսումների համաձայն՝ Դեմոկրատական կուսակցությունը մեծամասնություն կունենա թե՛ Ներկայացուցիչների պալատում, թե՛ Սենատում։ NBC-ի կանխատեսմամբ՝ դեմոկրատները կստանան 100 տեղից 53-ը վերին պալատում (Սենատում) և 255 տեղ՝ ստորին պալատում (Ներկայացուցիչների պալատ)։
ԱՄՆ նախագահ Դոնալդ Թրամփը նշել է, որ ընտրությունների արդյունքներն անակնկալ են եղել, սակայն հրաժարվել է հանրապետականների պարտությունը համարել սեփական պարտությունը։ Նա հանրապետականների պարտությունը կապել է բենզինի գների հետ։
ԱՄՆ Կոնգրեսի միջանկյալ ընտրություններն ավարտվել են. դրանց շրջանակում ընտրություններ են անցկացվել Սենատի մեկ երրորդի, Ներկայացուցիչների պալատի ամբողջ կազմի և 36 նահանգներում նահանգապետերի պաշտոնների համար։ Մինչ ընտրությունները Կոնգրեսի երկու պալատներն էլ գտնվում էին իշխող Հանրապետական կուսակցության վերահսկողության տակ։ Արդյունքները կորոշեն 120-րդ Կոնգրեսի կազմը, որի լիազորությունների ժամկետը կսկսվի 2027 թվականի հունվարի 3-ին։