Քաղաքականություն
29.10.2026 | 21:10
«Եթե լինում է սահմանանցում, պատասխանը ստանում են»,- Factor TV-ի հետ զրույցում ասաց «Ուժեղ Հայաստան» խմբակցության պատգամավոր Գառնիկ Դավթյանը՝ պատասխանելով ՔՊ-ական Տարոն Չախոյանի այն պնդումներին, թե առաջինը Դավթյանն է իրեն հարվածել։
Ընդդիմադիր պատգամավորը չմանրամասնեց՝ ինչն է եղել բախման պատճառը՝ նշելով, որ տղամարդկային արժանապատվությունն իր և թիմակիցների համար առաջնային է։
Հարցին՝ արդյոք Չախոյանը հայհոյանք կամ վիրավորական արտահայտություն է հնչեցրել իր հասցեին, Դավթյանը պատասխանեց։
«Չեմ մանրանում, բայց հավատացած եղեք՝ ես ինչ արել եմ, տեղին եմ արել ու ճիշտ եմ արել»,- վստահեցրեց պատգամավորը։
Գառնիկ Դավթյանը հայտարարեց, որ զղջում է Ազգային ժողովի նկատմամբ հանրային վստահության նվազման համար։ Նրա խոսքով՝ խորհրդարանը ներկայացնում է հասարակությանն ու պետությունը, իսկ տեղի ունեցածը հերթական անգամ նվաստացնում է բարձր ամբիոնը։
Հարցազրույցն ամբողջությամբ՝ տեսանյութում։
Արփի Հակոբյան