Քաղաքականություն
29.10.2026 | 18:54
Ադրբեջանի ԱԳ նախարար Ջեյհուն Բայրամովն Անկարայում հանդիպել է Թուրքիայի արտաքին գործերի նախարար Հաքան Ֆիդանի հետ։ Ադրբեջանի ԱԳՆ-ի հաղորդմամբ՝ հանդիպման ընթացքում քննարկվել են ադրբեջանա-թուրքական հարաբերությունների օրակարգային հարցերը, ինչպես նաև Թյուրքական պետությունների կազմակերպության շրջանակում համագործակցության տարբեր ուղղություններ։
Բացի այդ, կողմերը մտքեր են փոխանակել տարածաշրջանային և միջազգային օրակարգի արդիական հարցերի շուրջ։
Բայրամովի այս այցը տեղի է ունենում Բաքվի և Անկարայի միջև հարաբերությունների լարվածության ֆոնին, որը սկսվել է Թուրքիայում բուռն քննադատություններ առաջացրած Ադրբեջանի դպրոցներում հիջաբ կրելու արգելքի որոշումից։
Թարգմանությունը՝ Էմմա Չոբանյանի