Այս տարվա նոյեմբերի 29-ին Սևան խոշորացված համայնքում տեղի են ունենալու տեղական ինքնակառավարման մարմինների համամասնական ընտրություններ։ Քարոզարշավին ընդառաջ քաղաքական ուժերն ու քաղաքապետի թեկնածուներն արդեն ակտիվանում են։ «Միասնական Համայնք» կուսակցությունը մասնակցելու է ավագանու համամասնական ընտրություններին և քարոզարշավին նախորդող քաղաքական հավաքի ընթացքում հայտարարել է թե՛ սեփական թեկնածուին, թե՛ ապագա մարտավարությունը և թե՛ ծրագրային դրույթները։