Մամուլի ասուլիսով ամփոփվել է COP17-ի առաջին շաբաթը
Ասուլիսի ընթացքում COP 17-ի նախագահ, շրջակա միջավայրի նախարար Համբարձում Մաթևոսյանը անդրադարձել է հետևյալ հիմնական արդյունքներին և առաջնահերթություններին․
COP17-ի շրջանակում բնության պահպանության համար հայտարարված ֆինանսական հանձնառությունների ընդհանուր ծավալը գերազանցում է 1,8 միլիարդ ԱՄՆ դոլարը։
Հայաստանի և Կոլումբիայի համանախագահությամբ գործող CARES կոալիցիայի շրջանակում տեսակների վերականգնման համար հայտարարվել է 500 միլիոն ԱՄՆ դոլարի ֆինանսական հանձնառություն։
Սևանա լճի պահպանության և էկոհամակարգերի վերականգնման համար հաստատվել է 1,4 միլիոն ԱՄՆ դոլարի դրամաշնորհ՝ Հայաստանի առաջին ծրագրային ֆինանսավորումը Կենսաբազմազանության գլոբալ շրջանակի հիմնադրամից։
Առաջին շաբաթվա ընթացքում ընդունվել են կարևոր որոշումներ՝ կենսաանվտանգության, ինվազիվ օտարածին տեսակների, գենդերային հավասարության, կրթության և տեղեկատվության փոխանակման հարցերով։
Երկրորդ շաբաթվա առանցքային խնդիրն է ամրապնդել քաղաքական հանձնառությունը, առաջ մղել բանակցությունները և դեռևս չհամաձայնեցված հարցերի շուրջ հասնել ընդհանուր մոտեցումների։
«Որպես COP17-ի նախագահ՝ շարունակելու եմ աշխատել բոլոր կողմերի հետ՝ Երևանում ձևավորված համագործակցությունը բնության համար տևական արդյունքների վերածելու ուղղությամբ»,- նշել է նախարարը։
ՀՀ շրջակա միջավայրի նախարարություն
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: