Այսօր՝ հոկտեմբերի 25-ին կայալանիք Մեղրի համայնքի տեղական ինքնակառավարման մարմինների ընտրություններում առաջադրված Շնորհապետական կուսակցության ընտրացուցակը գլխավորող Վլադիկ Գեւորգյանը ֆեյսբուքյան իր էջում քարոզչական գրառում էր արել։ Սա «Ընտրական օրենսգրքի» խախտում է, ու ահազանգից, N 35 ընտրատարածքային ընտրական հանձնաժողովի զգուշացումից հետո Վլադ Գեւորգյանը հեռացրել է գրառումը։
«Ընտրական օրենսգիրքը» խախտել է նաեւ Եվրոպական կուսակցության նախագահ Տիգրան Խզմալյանը։
Ֆեյսբուքի իր օգտահաշվում նա հորդորել է ընտրողներին ճիշտ ընտրություն կատարել՝ տեղադրելով Մեղրիում իրենց ընտրացուցակը գլխավորող Արշավիր Հովհաննիսյանի լուսանկարը՝ կոչով։
N 35 ԸԸՀ-ից Aravot.am-ին տեղեկացրին, որ այս պահին միջոցներ են ձեռնարկվում, որպեսզի այդ նյութն էլ հեռացվի համացանցից։
Արմեն ԴԱՎԹՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: