Այսօր առավոտյան Ալյոշկին ականանետային հարվածների է ենթարկվել։
ԵՐԵՎԱՆ, 24 հոկտեմբերի – Sputnik. Ալյոշկիում իրավիճակը դեռևս չի փոխվել: Ռուսաստանի արտաքին գործերի նախարարության հատուկ հանձնարարություններով դեսպան Ռոդիոն Միրոշնիկի խոսքով՝ քաղաքն այսօր առավոտյան ենթարկվել է Ուկրաինայի զինված ուժերի ականանետային հարվածների:
«Ես կարող եմ միայն մեջբերել այն տեղեկատվությունը, որը մենք ստանում ենք տեղի բնակիչներից և շրջանի վարչակազմից։ Այսօր՝ ժամը 7:15-ից մինչև 8:30-ը, Ալյոշկի քաղաքին ականանետային հարվածներ են հասցվել։ Սա ենթադրում է, որ իրավիճակը տեղում առայժմ չի փոխվել։ Ճանապարհները նույնպես ականապատվել են երեկ երեկոյան։ Այնտեղ նոր ականներ են հայտնաբերվել, և դրանք շարունակում են փակել քաղաքից դուրս գալու երկու ելքերը», – ասել է նա «Զվեզդա» հեռուստաալիքին։
Ալյոշկին գտնվում է Դնեպր գետի ձախ ափին՝ Ուկրաինայի զինված ուժերի կողմից վերահսկվող Խերսոն քաղաքի դիմաց։ Ուկրաինայի զինված ուժերի գործողությունների պատճառով քաղաքում ստեղծվել է ծանր մարդասիրական իրավիճակ։