«Չեմ հասցրել ո՛չ քննարկեմ, ո՛չ նայեմ,բայց ես նաև այս պահին դիմել եմ, որ Սեդրակ Քոչարյանի պաշտպանական թիմին նաև միանամ․ չնայած շատ ուժեղ, պրոֆեսիոնալ թիմ է պաշտպանում»,- այս մասին լրագրողների հետ զրույցում ասաց փաստաբան Արամ Օրբելյանը՝ անդրադառնալով Սեդրակ Քոչարյանի կալանքի երկարաձգման որոշմանը։
Հիշեցնենք, որ այսօր Սեդրակ Քոչարյանի կալանքը երկարացվեց 2 ամսով։
Փաստաբանը նաև նշեց․ «Այդ միջնորդությունը դեռ մերժվել է և դատարանում բողոքարկման փուլում է, որպեսզի ունենամ հնարավորություն դա իրականացնելու ։ Դետալները, կարծում եմ, գործընկերներս, ովքեր զբաղվում են իր պաշտպանությամբ, ավելի մանրամասն կարող են ներկայացնել, բայց հաշվի առնելով, որ նա թղթակցում է Ռոբերտ Քոչարյանի գործին, գնահատականս նույն է»։
Նշենք, որ Արամ Օրբելյանի համոզմամբ՝ Ռոբերտ Քոչարյանի կալանավորումն ունի քաղաքական ենթատեքստ։