Կյանքից հեռացել է արվեստի վաստակավոր գործիչ, գրող, կինոգետ Դավիթ Մուրադյանը (տեսանյութ)
Երևանի թատրոնի և կինոյի պետական ինստիտուտից հայտնում են․
«Խոր ցավով տեղեկացնում ենք, որ կյանքից հեռացել է Երևանի թատրոնի և կինոյի պետական ինստիտուտի նախկին ռեկտոր, պրոֆեսոր, ՀՀ արվեստի վաստակավոր գործիչ, գրող, կինոգետ Դավիթ Մուրադյանը։
Մեծ է նրա ներդրումը հայ կինոարվեստի և ժամանակակից գրականության զարգացման ու հանրահռչակման, ինչպես նաև արվեստի կրթության գործում։
-Այն, ինչ խլում է կյանքը, վերադարձնում ենք գրելով,-ասում էր մեծ մտավորականը։
Դավիթ Մուրադյանի հիշատակը հավերժ կմնան նրա գործընկերների, սաների, արվեստասերների և բոլոր նրան ճանաչողների սրտերում։
Մեր խորին ցավակցությունն ենք հայտնում Դավիթ Մուրադյանի ընտանիքին, հարազատներին և գործընկերներին։
Հանգչեք խաղաղությամբ, սիրելի՛ պարոն Մուրադյան»։
«A1plus»-ը ցավակցում է Դավիթ Մուրադյանի հարազատներին և ընկերներին։
Հ․Գ․
Մեկ տարի առաջ «A1plus»-ում հրապարակվել էր հարցազրույց արվեստի վաստակավոր գործիչ Դավիթ Մուրադյանի հետ, որը կրկին ներկայացնում ենք։