«Երբ ամիսներ առաջ հայտարարվեց «Առաջարկ Հայաստանին» ծրագրի մեկնարկի մասին, կային դրան նախորդող շատ վերլուծություններ, թե որքանով ծրագիրը կհաջողի, որքանով կդառնա հոգեհարազատ, ճանաչելի եւ ընդունելի հասարակության տարբեր շերտերի կողմից: Իմ եւ գործընկերներիս մասնագիտական կարծիքները, բնականաբար, տարբեր էին, բայց այս պահին՝ ծրագրի մեկնարկից շուրջ 6 ամիս հետո, պետք է գոհունակությամբ արձանագրեմ, որ «Առաջարկ Հայաստանին» նախաձեռնությունը եւ «Առաջարկ Հայաստանին» ծրագիրը կարողացել են դառնալ հանրային, քաղաքական կյանքի ամենաճանաչելի բրենդներից մեկը »,- «Հանրային-քաղաքական դաշտը՝ ընտրություններին ընդառաջ» թեմայով պանելային քննարկման ժամանակ ասաց ԲՀԿ քաղխորհրդի անդամ Իվետա Տոնոյանը:
«Այս ամիսների ընթացքում մենք կարողացանք հանրությանը հասցնել այն ուղերձը, որ «Առաջարկ Հայաստանին»-ը ծրագիր է՝ մարդկանց կողմից ստեղծվող եւ մարդկանց մասին: Ծրագրի մեկնարկային փուլում այն գաղափարը, որ Գագիկ Ծառուկյանի կողմից դրվել էր շրջանառության մեջ, դա այն էր, որ պետք է սկզբունքնորեն փոխվեն ծրագրի կազմման բուն մոդելները, որոնք մինչ այս պահը գործել են, կարծրացած են եղել: Արդարացրե՞լ են իրենց, թե՞ ոչ, դա արդեն այլ հարց է, սակայն, մեր վստահ համոզմամբ, աշխատասենյակներում նստած որեւէ մասնագետ կամ չինովնիկ չի կարող նույն կատարելությամբ տիրապետել այն խնդիրներին, որոնց տիրապետում են այդ ոլորտի ներկայացուցիչները, շահառուները կամ կրողները»,-հավելեց Իվետա Տոնոյանը:
Նա իբրեւ օրինակ բերեց «Առաջարկ Հայաստանին» ծրագրի շրջանակում հրապարակված երիտասարդների առաջարկների բլոկը:
Քննարկումն ամբողջությամբ.
Գոհար ՀԱԿՈԲՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: