«Այս համաժողովը ևս մեկ անգամ փաստում է, որ բազմակողմանիությունն աշխատում է, որ ստանձնած հանձնառություններն առաջին հերթին իրականացվում են։ Չնայած աշխարհաքաղաքական լարվածությանը և ահագնացող ճգնաժամին՝ կա հույս։ Սա չափազանց կարևոր պատասխանատվություն է, կոնվենցիայի պատմության ընթացքում Հայաստանն իրապես բավականին մեծ աջակցություն է տրամադրել այս նախաձեռնությանը, ինչի համար շնորհակալ ենք»,- ՄԱԿ-ի Կենսաբազմազանության 17-րդ համաժողովի՝ COP17 բացման արարողության ժամանակ ասաց Կենսաբանական բազմազանության կոնվենցիայի գործադիր քարտուղար Աստրիդ Շոմակերը։
Նա նշեց, որ կենսաբազմազանության կորուստը մեր ժամանակների ամենամեծ մարտահրավերն է, բայց այս խնդրի լուծումն աննախադեպ հնարավորություն կարող է դառնալ մարդու վերաբերմունքը բնության նկատմամբ փոխելու և ավելի կայուն, թիրախային ու հավասար ապագա ստեղծելու տեսանկյունից։
«Համապատասխանաբար, հորդորն այն է, որ հաջորդ երկու շաբաթներն օգտագործենք միավորվելու և հանձնառությունները վերածելու կոնկրետ գործողությունների, ավելի ամուր գործընկերական հարաբերությունների և արագացված իրականացման քայլերի։ Գիտենք՝ որտեղ են բացերը, և մեր հանդիպման նպատակն այդ բացերը լրացնելն է»,- հավելեց Աստրիդ Շոմակերը։
Ռոզա ՀՈՀՎԱՆՆԻՍՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: