Դուրեսում շարունակվող ծանրամարտի երիտասարդական եւ Մ23 Եվրոպայի առաջնության վեցերորդ օրը Հայաստանն ուներ չորս մասնակից։
Առաջինը մրցահարթակ մտավ երիտասարդների 95 կգ քաշային Վալերիկ Մովսիսյանը, որը պոկում վարժության 160 կգ-ով արժանացավ փոքր արծաթե մեդալի, սակայն հրումում ցույց տվեց 187 կգ՝ 5-րդ արդյունք եւ երկամարտում 347 կգ-ով ճանաչվեց 4-րդը։
Աղջիկների 77 կգ քաշային կարգում Հայաստանն ուներ երկու ներկայացուցիչ՝ Աննա Ամրոյանը եւ Ալինա Սուքիասյանը։ Աննան պոկում վարժությունում 102 կգ-ով երրորդն էր, սակայն հրումում առաջին մոտեցման ժամանակ վնասեց ոտքը եւ ի վիճակի չեղավ շարունակել պայքարը։ Իսկ Ալինան երկամարտի 221=101+120 կիլոգրամով դարձով 4-րդը։
Մրցումային օրն ավարտեց Մ23 խմբի 85 կգ քաշային Մարտին Պողոսյանը, որը առաջին վարժությունը եզրափակեց 5-րդ արդյունքով՝ 153 կգ, իսկ հրումում՝190 կգ եւ երկամարտում՝ 343 կգ, դարձավ արծաթե մեդալակիր։
Աշոտ ՀԱԿՈԲՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: