Ձմռանը Եվրամիությունը կարող է գազի դեֆիցիտ ունենալ, ինչը կհանգեցնի էներգակիրների անհետաձգելի ձեռքբերմանը՝ բարձր գներով, գրում է Politico թերթը։
Իրանում պատերազմը խաթարում է աշխարհի երկրների էներգամատակարարումը։ Դրա հետևանքով Եվրամիությանը կարող է չբավարարել 14 միլիարդ խմ գազ։ Այդ ծավալի գազը կարող էր էլեկտրաէներգիայով ապահովել Եվրոպայի 10-12 միլիոն տնային տնտեսության։
2011 թվականից վարվող վիճակագրության համաձայն՝ ԵՄ-ում գազի պաշարների մակարդակն իջել է մինչև 70%-ից փոքր-ինչ ավելի՝ հասնելով ամենացածր ցուցանիշին։
Եվրոպայում գազի պակասի հետ կապված բացասական հետևանքները պայմանավորված են նաև բարձր գներով, որոնք հասել են վերջին չորս տարվա առավելագույն մակարդակին։ Դա խթանել է թրեյդերներին գազը վաճառել ավելի վաղ՝ ամռանը, ոչ թե ձմռանը։
Գազի սահմանափակ ծավալը չի բավարարի ԵՄ բոլոր երկրներին, սակայն դա չի նշանակում, որ դրա օգտագործումը կդադարեցվի։ Միևնույն ժամանակ, ստեղծված իրավիճակը կհանգեցնի նրան, որ եվրոպական պետությունները ստիպված կլինեն գազ գնել բարձր գներով, իսկ եթե ներմուծումն անհնար դառնա, վաճառողները կնվազեցնեն առաջարկը։
Հայտնի է, որ արդեն ամռանը ԵՄ այնպիսի երկրներ, ինչպիսիք են Բելգիան, Հունգարիան, Բուլղարիան և Նիդեռլանդները, ավելացրել են ռուսական գազի մատակարարումները, մինչդեռ Ֆրանսիան, Իսպանիան, Սլովակիան և Հունաստանը՝ կրճատել։