Եվրոպական միության կողմից Ուկրաինային տասնյակ միլիարդավոր եվրոյի արժողությամբ ևս մեկ վարկ տրամադրելու հարցը կբարձրացվի Եվրոպական խորհրդի առաջիկա երկու օրերի նիստում, հայտարարել է Սլովակիայի վարչապետ Ռոբերտ Ֆիցոն։
«Նույն թեման կրկին սեղանին է – Ուկրաինային ևս մեկ վարկ տրամադրելը։ Կարծում եմ՝ հետաքրքիր կլինի այս Եվրոպական խորհրդի նիստի եզրափակիչ փաստաթղթերում ներառել քաղաքականապես [սահմանված] դիրքորոշում, որ Ուկրաինային լրացուցիչ բազմամիլիարդ եվրո վարկի հարցը կորոշվի դեկտեմբերին կայանալիք Եվրոպական խորհրդի նիստում», – ասել է վարչապետը։
Սլովակիայի կառավարության անունից նա զգուշացրել է ԵՄ գործընկերներին, որ «Ուկրաինային տրամադրվող այս հաջորդ բազմամիլիարդ եվրո վարկը չպետք է կապվի ԵՄ 2028-35 թվականների բյուջեի հետ», քանի որ դա «շատ վտանգավոր է»։ Բրատիսլավայի համար, ըստ Ֆիցոյի, Ուկրաինային լրացուցիչ բազմամիլիարդ եվրո վարկը առանձին հարց է։ «Մենք ուզում ենք [այս հարցը] դիտարկել որպես առանձին դեպք», – ասել է Ռոբերտ Ֆիցոն։
Ֆիցոն ընդգծել է, որ մի քանի ամիս առաջ ԵՄ-ն Ուկրաինային տրամադրել է 90 միլիարդ եվրո վարկ։ «Ես կցանկանայի ասել, որ այս վարկը երբեք չի մարվի։ Մենք կարծում ենք, որ սա ստանդարտ նվեր է Ուկրաինային», – նշեց վարչապետը։