«Ռուսական երկաթուղիներ» ընկերությունը բաց է Հայաստանի կառավարության հետ երկխոսության և կոնցեսիոն համաձայնագրի արդյունավետությունը համատեղ գնահատելում համար։ Այս մասին հայտնել են ընկերությունից հոլդինգի ղեկավար Օլեգ Բելոզյորովի և ՀՀ վարչապետ Նիկոլ Փաշինյանի հանդիպումից հետո։
«Մենք բաց ենք Հայաստանի կառավարության հետ երկխոսության և կոնցեսիոն համաձայնագրի արդյունավետությունը համատեղ գնահատելու համար։ Մենք մտադիր ենք հավատարիմ մնալ ստանձնած բոլոր պարտավորություններին», – ասել է Բելոզյորովը։
Հայ գործընկերների հետ համագործակցության շրջանակում ռուսական կողմը պատրաստ է ապահովել անհրաժեշտ բեռնափոխադրումները և պայմաններ ստեղծել փոխադրվող ուղևորների թվի աճի համար:
Ընկերության մամուլի հաղորդագրության մեջ նշվում է, որ «Ռուսական երկաթուղիների» դուստր ընկերության կոնցեսիոն կառավարման ընթացքում Հայաստանի երկաթուղիներում ներդրումները կազմել են շուրջ 400 մլն դոլար:
Բելոզյորովը նշել է` երկաթուղայինների խնդիրն է ապահովել երկու երկրների տնտեսություններն ապահովել տրանսպորտային կապով:
«Կոնցեսիան թույլ է տվել պահպանել և զարգացնել Հայաստանի երկաթուղային ենթակառուցվածքը՝ վերականգնման և պահպանման ծախսերը չփոխանցելով հանրապետության բյուջեին։ Ամբողջ շահույթն ուղղվել է երկաթուղու զարգացմանը։ «Ռուսական երկաթուղիներ» ԲԲԸ-ի միջոցներից և «Հարավկովկասյան երկաթուղու» եկամուտներից արված ներդրումների ընդհանուր ծավալը կոնցեսիայի ընթացքում կազմել է 146 մլրդ դրամ կամ մոտ 400 մլն դոլար», – ընկերությունը հաղորդում է գլխավոր տնօրենի խոսքերը:
Նշենք, որ Փաշինյանի հետ հանդիպումից հետո Բելոզյորովը Sputnik Արմենիային ասել էր, որ Հայաստանի երկաթուղիների կառավարման կոնցեսիոն համաձայնագրի պահպանման հարց դրված չի եղել։
Հիշեցնենք՝ 2008 թվականի փետրվարին Հայաստանի երկաթուղային ենթակառուցվածքը 30 տարով կոնցեսիոն կառավարման է հանձնվել ՀԿԵ-ին՝ ևս 10 տարով երկարաձգելու իրավունքով։