Ռուսաստանի Պետդումայի նախագահ Վյաչեսլավ Վոլոդինի խոսքով՝ Արևմուտքի երկրները սահմանափակումների և պատժամիջոցների քաղաքականությամբ առաջին հերթին վնասում են սեփական տնտեսություններին։
«Այսօր արևմտյան երկրներն իրենց շուրջը երկաթե վարագույր են իջեցրել և այժմ իրենք են տուժում դրանից։ Տեսնում եք՝ պետությունների բազմաթիվ ղեկավարներ այս պատճառով քաղաքականապես մոռացության են մատնվել։ Նրանք պետք է փոխվեն, հակառակ դեպքում նրանց կփոխարինեն»,– լրագրողների հետ զրույցում ասել է Վոլոդինը։
Նրա խոսքով՝ արևմտյան երկրները, այդ թվում՝ ԱՄՆ-ը, Ռուսաստանի դեմ սահմանված պատժամիջոցների թվով ռեկորդ են սահմանել՝ ներքաշվելով մի քաղաքականության մեջ, որը, Վոլոդինի գնահատմամբ, վնասում է նաև իրենց տնտեսություններին։
«Պետք է մտածել զարգացման մասին, ոչ թե զբաղվել պատժամիջոցներով»,– հավելել է Պետդումայի նախագահը։