ՀՀ ԱԺ «Քաղացիական պայմանագիր» խմբակցության պատգամավոր Սիսակ Գաբրիելյանը իր ֆեյսբուքյան էջում գրել է
Սիրելի՛ գիտնականներ, գիտության զարգացմամբ մտահոգված հարգելի՛ քաղաքացիներ,
Ստացել եմ ձեր բաց նամակը։
Շնորհակալ եմ բարձրացված հարցերի, ներկայացված առաջարկությունների, կառուցողական մոտեցման և գիտության զարգացման նկատմամբ ձեր հետևողական ու պատասխանատու դիրքորոշման համար։
Ցանկանում եմ տեղեկացնել, որ բարձրացված հարցերի վերաբերյալ խոսել եմ նաև ԿԳՄՍ նախարար Ժաննա Անդրեասյանի հետ։ Նախարարն արդեն իսկ տեղյակ էր խնդիրներին և զբաղվում է դրանց լուծմամբ։ Առաջիկա օրերին Կառավարության այլ գործընկերների հետ նույնպես լրացուցիչ քննարկումներ կլինեն:
Կարծում եմ արդյունքը շուտով կտեսնեք:
Գիտության զարգացումը մեզ համար պետական քաղաքականության հստակ և անշեղ առաջնահերթություն է։ Այդ առաջնահերթությունը մենք ոչ միայն հայտարարել ենք, այլև արդեն իսկ ամրագրել ենք կոնկրետ քայլերով՝ 2021 թվականից ի վեր շեշտակի ավելացնելով գիտության զարգացմանն ուղղված ֆինանսավորումը և միասին արձանագրել խոստումնալից ու նշանակալի արդյունքներ։