Հասարակություն
10.10.2026 | 15:45
Հոկտեմբերի 10-ին հրազենային վնասվածքով հայտնաբերված զինծառայողի մահվան դեպքի առթիվ քրեական վարույթ է նախաձեռնվել։ Քննչական կոմիտեն, սակայն, չի հստակեցնում՝ վարույթը քննվում է սպանության, թե ինքնասպանության հատկանիշներով։
«Զինծառայողի մահվան դեպքի առթիվ նախաձեռնվել է քրեական վարույթ, կատարվում է նախաքննություն»,- Factor.am-ի հետ զրույցում հայտնեց Քննչական կոմիտեի նախագահի մամուլի քարտուղար Կիմա Ավդալյանը։
Ավելի վաղ Պաշտպանության նախարարությունը հայտնել էր, որ հոկտեմբերի 10-ին հայտնաբերվել է ՊՆ N զորամասի զինծառայող Ա. Ղ.-ի դին՝ հրազենային վնասվածքով։
Արաքս Մամուլյան