Վաղարշապատ համայնքի ավագանու «Մայր Հայաստան» խմբակցության ղեկավար Հարություն Խաչիկյանի ֆեյսբուքյան գրառումը
ՏԻՐԱԴԱՎ ՍԻՈՆ ԱԴԱՄՅԱՆԸ՝ ՔՊ-Ի ՊԱՏՎԱՎՈՐ ՔԱՂԱՔԱՑԻ
Երեկ՝ Էջմիածնի 2711-ամյակին նվիրված փակ (ֆինանսական մասով) ձևաչափով միջոցառման ժամանակ հայտարարվեց, որ Վաղարշապատ համայնքի ավագանու որոշմամբ Սիոն Ադամյանին շնորհվել է «Վաղարշապատ համայնքի պատվավոր քաղաքացի» կոչում։
Կա մի էական հանգամանք. Վաղարշապատի ավագանին կազմված է 3 խմբակցությունից՝ 33 ավագանուց։ Այդ որոշմանը կողմ է քվեարկել միայն ՔՊ խմբակցությունը՝ իր 19 անդամներից 17-ը։
«Մայր Հայաստան» խմբակցությունը դեմ է քվեարկել, իսկ «Հաղթանակ» խմբակցությունը չի մասնակցել քվեարկությանը։
Սա առանձնահատուկ է նաև նրանով, որ նման կարգավիճակի շնորհման հարցերում նախկինում, որպես կանոն, եղել է լայն համաձայնություն և միասնական մոտեցում։
Ուստի հարց է առաջանում՝ եթե համայնքի ավագանու մյուս երկու քաղաքական ուժերը չեն աջակցել այդ որոշմանը, ապա ինչպե՞ս է այն ներկայացվում որպես Վաղարշապատ համայնքի միասնական որոշում։
Իրականությունն ավելի պարզ է։
Տիրադավ Սիոն Ադամյանը Վաղարշապատ համայնքի պատվավոր քաղաքացի չէ։
Նա ՔՊ-ի կողմից ընտրված՝ ՔՊ-ի սրտի պատվավոր քաղաքացին է։
Եվ սա արդեն ոչ թե պատվավոր կոչման, այլ իշխանական հակաեկեղեցական, հակասահմանադրական քաղաքականության հերթական դրսևորման մասին է։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: