Դատարանը ոչ իրավաչափ է ճանաչել Արցախի նախկին նախագահ Սամվել Շահրամանյանի հեռախոսի առգրավումը ։ Այդ մասին ֆեյսբուքյան իր էջում գրել է նրա փաստաբան Ռոման Երիցյանը։
«Սամվել Շահրամանյանի հեռախոսի առգրավումը դատարանը ճանաչել է ոչ իրավաչափ, բողոքս բավարարել և նախաքննական մարմնին պարտավորեցրել անհապաղ հեռախոսը վերադարձնել»,-ասվում է գրառման մեջ:
Շահրամանյանի հեռախոսն առգրավել էին մայիսին:
Ըստ զինվորական քննչական գլխավոր վարչության՝ հեռախոսի առգրավումը պայմանավորված էր 2023-ին բենզալցակայանի պայթյունով, սակայն հեռախոսը 2025 թվականի արտադրության է: