Հայաստանի վարչապետ Նիկոլ Փաշինյանը հայտարարել է, որ Թուրքմենստանում ընթացող Անկախ Պետությունների Համագործակցության (ԱՊՀ) գագաթնաժողովի շրջանակում այս պահի դրությամբ Ռուսաստանի և Ադրբեջանի նախագահների հետ պաշտոնական առանձնազրույցներ նախատեսված չեն։ Վարչապետը մասնակցում է հոկտեմբերի 8-9-ը տեղի ունեցող բարձրաստիճան համաժողովին։
«Շփումներ, անշուշտ, կլինեն, քանի որ այսօր և վաղը գտնվելու ենք նույն վայրում։ Պաշտոնապես հանդիպում պլանավորված չէ, սակայն շփումներ ու զրույցներ կլինեն։ Նախկինում ևս եղել են դեպքեր, երբ տեղում ենք համաձայնեցրել և զրուցել»,- լրագրողների հետ զրույցում ընդգծել է Փաշինյանը։
Կառավարության ղեկավարը նաև հիշեցրել է, որ ՌԴ նախագահ Վլադիմիր Պուտինի և Ադրբեջանի նախագահ Իլհամ Ալիևի հետ հանդիպումները կայացել էին նախորդ ամիս Բիշքեկում, իսկ Ռուսաստանի առաջնորդի հետ ինքը հեռախոսազրույց է ունեցել նաև երեկ։