«Կարող եք տեսնել հայկական ծաղիկներ Թուրքմենստանում, հայկական դեղձ՝ Օմանում, հայկական պղպեղ՝ Ռումինիայում, հայկական ծիրան՝ Վարշավայում և բազմաթիվ այլ բաներ»,- ՔՊ խմբակցության պատգամավոր Սոնա Ղազարյանի հարցին՝ դիվերսիֆիկացիայի ուղղությամբ ի՞նչ աշխատանքներ են տարվում, ԱԺ-կառավարություն հարցուպատասխանի ժամանակ այսպես պատասխանեց ՀՀ արտաքին գործերի և միջազգային առևտրի նախարար Արարատ Միրզոյանը։
Ըստ նախարարի՝ տնտեսական դիվերսիֆիկացիայի, մասնավորապես՝ արտահանման մասով շոշափելի ձեռքբերումներ ունենք․ «Եթե ծավալների առումով ոչ շատ ծանրակշիռ, թեև կարող եմ այդպես էլ անվանել, ապա բազմաթիվ ուղղությունների և գործընկերների աջակցության մասով՝ ծանրակշիռ՝ ԵՄ կողմից ինքնավար առևտրային միջոցների սահմանում, ինչը նշանակում է մեծ ծավալով անուն հայկական ապրանքների համար ԵՄ երկրներն ուղղակի մաքս չեն վերցնելու»։
ԱԺ-կառավարություն հարցուպատասխանն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: