https://arm.sputniknews.ru/20261006/gegharquniqum-2rd-dasarani-ashakertin-tsetselu-depqi-artiv-qreakan-varujt-e-nakhadzernvel-107755277.html
Գեղարքունիքում 2–րդ դասարանի աշակերտին ծեծելու դեպքի առթիվ քրեական վարույթ է նախաձեռնվել
Գեղարքունիքում 2–րդ դասարանի աշակերտին ծեծելու դեպքի առթիվ քրեական վարույթ է նախաձեռնվել
Sputnik Արմենիա
Ուսուցչուհին ասել է, որ զղջում է կատարվածի համար։ 06.10.2026, Sputnik Արմենիա
2026-10-06T17:36+0400
2026-10-06T17:36+0400
2026-10-06T17:36+0400
հայաստան
գեղարքունիքի մարզ
աշակերտ
երեխա
քրեական գործ
https://cdn.am.imgsputniknews.ru/img/1187/25/11872504_0:55:1000:618_1920x0_80_0_0_055002e255dc1a17d808d5c265bd1469.jpg.webp
ԵՐԵՎԱՆ, 6 հոկտեմբերի – Sputnik. Գեղարքունիքի մարզի գյուղերից մեկի միջնակարգ դպրոցում աշակերտուհու նկատմամբ ուսուցչի կողմից բռնություն կիրառելու դեպքի առթիվ քրեական վարույթ է նախաձեռնվել։ Տեղեկությունը Sputnik Արմենիային հայտնեցին ՀՀ քննչական կոմիտեից։Հիշեցնենք` հոկտեմբերի 6-ին shamshyan.com-ը հայտնեց, որ Գեղարքունիքի գյուղերից մեկի դպրոցի 2-րդ դասարանի աշակերտուհու նկատմամբ ուսուցչուհին ֆիզիկական բռնություն է կիրառել։ Դեպքը տեղի է ունեցել սեպտեմբերի 30-ին։Երեխայի ընտանիքը ոստիկանություն չի դիմել, քանի որ չի ցանկանում, որ ուսուցչուհու նկատմամբ քրեական հետապնդում իրականացվի, բայց պահանջում է, որ ուսուցչուհին հեռացվի դպրոցից և այլևս երեխաների հետ չաշխատի։ Երեխայի հարազատները դիմել են նաև Գեղարքունիքի մարզպետարան, որտեղից հայտնել են, որ 1 ծնողի բողոքը բավարար չէ ուսուցչին աշխատանքից ազատելու համար, առնվազն 7 ծնողի բողոք է անհրաժեշտ։Ավելի ուշ Գեղարքունիքի մարզպետարանից Sputnik Արմենիային հայտնեցին, որ ուսուցչուհին և տվյալ դպրոցի տնօրենը հրավիրվել են իրենց մոտ, և ուսուցչուհին խոստովանել է, որ զղջում է տեղի ունեցածի համար։ ՄԻՊ գրասենյակից ասացին, որ արդեն ձեռնամուխ են եղել անհրաժեշտ միջոցների կիրառմանը, իսկ ՀՀ ԿԳՄՍ նախարարությունից էլ ընդգծեցին` տվյալ տնօրենին հանձնարարվել է համապատասխան քայլեր ձեռնարկել և արդյունքների մասին տեղեկացնել։
գեղարքունիքի մարզ
2026
Լուրեր
am_HY
https://cdn.am.imgsputniknews.ru/img/1187/25/11872504_35:0:923:666_1920x0_80_0_0_c970fc12c31df1ce04b9487fbd3aab38.jpg.webp
հայաստան, գեղարքունիքի մարզ, աշակերտ, երեխա, քրեական գործ
հայաստան, գեղարքունիքի մարզ, աշակերտ, երեխա, քրեական գործ
Ուսուցչուհին ասել է, որ զղջում է կատարվածի համար։
«Համացանցում տարածված տեսանյութի վերաբերյալ ստացված հաղորդման առթիվ նախաձեռնվել է քրեական վարույթ՝ անչափահասի նկատմամբ ֆիզիկական ուժեղ ցավ կամ հոգեկան ուժեղ տառապանք պատճառելու հոդվածի հատկանիշներով»,– նշեցին ՔԿ–ից։
Երեխայի ընտանիքը ոստիկանություն չի դիմել, քանի որ չի ցանկանում, որ ուսուցչուհու նկատմամբ քրեական հետապնդում իրականացվի, բայց պահանջում է, որ ուսուցչուհին հեռացվի դպրոցից և այլևս երեխաների հետ չաշխատի։ Երեխայի հարազատները դիմել են նաև Գեղարքունիքի մարզպետարան, որտեղից հայտնել են, որ 1 ծնողի բողոքը բավարար չէ ուսուցչին աշխատանքից ազատելու համար, առնվազն 7 ծնողի բողոք է անհրաժեշտ։