https://arm.sputniknews.ru/20261005/rvosatvomy-patrast-e-ir-tekhnvolvogianery-kirarel-nairiti-taratsqi-vnasazertsman-hamar-107707420.html
«Ռոսատոմը» պատրաստ է իր տեխնոլոգիաները կիրառել «Նաիրիտի» տարածքի վնասազերծման համար
«Ռոսատոմը» պատրաստ է իր տեխնոլոգիաները կիրառել «Նաիրիտի» տարածքի վնասազերծման համար
Sputnik Արմենիա
Արդյունաբերական տարածքի վնասազերծման նախագծի իրագործելիության ուսումնասիրություն պատրաստելու համար «Ռոսատոմի» ձեռնարկությունը մասնակցում է կապալառուի… 05.10.2026, Sputnik Արմենիա
2026-10-05T17:46+0400
2026-10-05T17:46+0400
2026-10-05T17:46+0400
հայաստան
ռուսաստան
«ռոսատոմ»
նաիրիտ
գործարան
թափոն
https://cdn.am.imgsputniknews.ru/img/576/75/5767531_0:52:1000:615_1920x0_80_0_0_aa4bf24731c8cdbb5a83205eb39be408.jpg.webp
ԵՐԵՎԱՆ, 5 հոկտեմբերի – Sputnik. «Ռոսատոմը» պատրաստ է կիրառել իր ունեցած բոլոր տեխնոլոգիաներն ու իրավասությունները Հայաստանի նախկին «Նաիրիտ» քիմիական գործարանի տարածքի վնասազերծման նախագծի իրականացման համար: Այս մասին ՏԱՍՍ-ին հայտնել է Դաշնային էկոլոգիական օպերատորը, որը մտնում է պետական կորպորացիայի կառուցվածքի մեջ։Այժմ «Ռոսատոմի» ձեռնարկությունը մասնակցում է կապալառուի ընտրությանը՝ արդյունաբերական տարածքի վնասազերծման նախագծի իրագործելիության ուսումնասիրություն պատրաստելու համար:Դաշնային բնապահպանական օպերատորը նշել է, որ նախկին «Նաիրիտի» տարածքը բարդ արդյունաբերական օբյեկտ է։ Նախկին գործարանը, որտեղ կուտակված են քիմիական նյութեր ու թափոններ, գտնվում է բնակելի հատվածի հարևանությամբ: Նման օբյեկտներում աշխատանքը պահանջում է համալիր մոտեցում՝ տարածքի հետազոտությունից և տեխնոլոգիաների ընտրությունից մինչև վտանգավոր նյութերի անվտանգ կառավարում և հետագա երկարաժամկետ վերահսկողություն:«Ռոսատոմի» հնարավոր մասնակցությունը «Նաիրիտի» խնդիրների լուծմանը քննարկվում է 2022 թվականից։ 2023 թվականին Դաշնային բնապահպանական օպերատորը հայկական կողմի խնդրանքով և սեփական միջոցների հաշվին ուսումնասիրել էր ձեռնարկության տարածքը և գույքագրել կուտակված թափոնները: Ուսումնասիրության արդյունքները և հետագա աշխատանքների վերաբերյալ առաջարկությունները ներկայացվել էին հայկական կողմին:Ընկերությունում նշել են, որ «Ռոսատոմն» ունի այդպիսի նախագծերի իրականացման փորձ. նման աշխատանքներ են արվել Իրկուտսկի մարզի Ուսոլիե-Սիբիրսկոյեի նախկին «Ուսոլեհիմպրոմ» ձեռնարկության տարածքում։Ռոսատոմի գլխավոր տնօրեն Ալեքսեյ Լիխաչովը «Նաիրիտ» նախագծով աշխատանքները շարունակելու մասին հայտնել էր սեպտեմբերի վերջին՝ Ռուսաստանի նախագահ Վլադիմիր Պուտինի հետ հանդիպման ժամանակ: Պետական կորպորացիայում հաստատել են, որ պատրաստ են շարունակել աշխատանքը՝ վտանգավոր թափոնների կառավարման, էկոլոգիական վնասների վերացման և բարդ արդյունաբերական տարածքների ռեկուլտիվացման գործում օգտագործելով կուտակված փորձը:Հիշեցնենք` 1936 թվականին հիմնադրված «Նաիրիտ» գործարանը հետպատերազմական տարիներին դարձավ քլորոպրենային կաուչուկի արտադրության համաշխարհային առաջատարներից մեկը: Գործարանի աշխատանքը դադարեցվեց 1989-ին, 1993-ին «Նաիրիտը» մասամբ վերագործարկվեց, իսկ 2010-ին վերջնականապես փակվեց:«Նաիրիտ» գործարանը կապամոնտաժվի. ՀԲ–ն 1,5 մլն դոլար կտա շրջակա միջավայրի բարելավման համար
2026
Լուրեր
am_HY
https://cdn.am.imgsputniknews.ru/img/576/75/5767531_56:0:945:667_1920x0_80_0_0_310a0b92b2a3c270a980a86d6dfc00ad.jpg.webp
հայաստան, ռուսաստան, «ռոսատոմ», նաիրիտ, գործարան, թափոն
հայաստան, ռուսաստան, «ռոսատոմ», նաիրիտ, գործարան, թափոն
Արդյունաբերական տարածքի վնասազերծման նախագծի իրագործելիության ուսումնասիրություն պատրաստելու համար «Ռոսատոմի» ձեռնարկությունը մասնակցում է կապալառուի ընտրությանը:
ԵՐԵՎԱՆ, 5 հոկտեմբերի – Sputnik. «Ռոսատոմը» պատրաստ է կիրառել իր ունեցած բոլոր տեխնոլոգիաներն ու իրավասությունները Հայաստանի նախկին «Նաիրիտ» քիմիական գործարանի տարածքի վնասազերծման նախագծի իրականացման համար: Այս մասին ՏԱՍՍ-ին հայտնել է Դաշնային էկոլոգիական օպերատորը, որը մտնում է պետական կորպորացիայի կառուցվածքի մեջ։
Այժմ «Ռոսատոմի» ձեռնարկությունը մասնակցում է կապալառուի ընտրությանը՝ արդյունաբերական տարածքի վնասազերծման նախագծի իրագործելիության ուսումնասիրություն պատրաստելու համար:
Դաշնային բնապահպանական օպերատորը նշել է, որ նախկին «Նաիրիտի» տարածքը բարդ արդյունաբերական օբյեկտ է։ Նախկին գործարանը, որտեղ կուտակված են քիմիական նյութեր ու թափոններ, գտնվում է բնակելի հատվածի հարևանությամբ: Նման օբյեկտներում աշխատանքը պահանջում է համալիր մոտեցում՝ տարածքի հետազոտությունից և տեխնոլոգիաների ընտրությունից մինչև վտանգավոր նյութերի անվտանգ կառավարում և հետագա երկարաժամկետ վերահսկողություն:
«Ռոսատոմի» հնարավոր մասնակցությունը «Նաիրիտի» խնդիրների լուծմանը քննարկվում է 2022 թվականից։ 2023 թվականին Դաշնային բնապահպանական օպերատորը հայկական կողմի խնդրանքով և սեփական միջոցների հաշվին ուսումնասիրել էր ձեռնարկության տարածքը և գույքագրել կուտակված թափոնները: Ուսումնասիրության արդյունքները և հետագա աշխատանքների վերաբերյալ առաջարկությունները ներկայացվել էին հայկական կողմին:
««Ռոսատոմը» տիրապետում է կուտակված բնապահպանական խնդիրներով բարդագույն օբյեկտների վնասազերծման բոլոր տեխնոլոգիաներին ու կարողություններին և պատրաստ է դրանք կիրառել ամենատարբեր խնդիրների լուծման համար, այդ թվում՝ իրագործել նախկին «Նաիրիտ» քիմիական գործարանի տարածքն անվտանգ վիճակի բերելու նախագիծը», – հայտարարել է Դաշնային բնապահպանական օպերատորը:
Ընկերությունում նշել են, որ «Ռոսատոմն» ունի այդպիսի նախագծերի իրականացման փորձ. նման աշխատանքներ են արվել Իրկուտսկի մարզի Ուսոլիե-Սիբիրսկոյեի նախկին «Ուսոլեհիմպրոմ» ձեռնարկության տարածքում։
Ռոսատոմի գլխավոր տնօրեն Ալեքսեյ Լիխաչովը «Նաիրիտ» նախագծով աշխատանքները շարունակելու մասին հայտնել էր սեպտեմբերի վերջին՝ Ռուսաստանի նախագահ Վլադիմիր Պուտինի հետ հանդիպման ժամանակ: Պետական կորպորացիայում հաստատել են, որ պատրաստ են շարունակել աշխատանքը՝ վտանգավոր թափոնների կառավարման, էկոլոգիական վնասների վերացման և բարդ արդյունաբերական տարածքների ռեկուլտիվացման գործում օգտագործելով կուտակված փորձը:
Հիշեցնենք` 1936 թվականին հիմնադրված «Նաիրիտ» գործարանը հետպատերազմական տարիներին դարձավ քլորոպրենային կաուչուկի արտադրության համաշխարհային առաջատարներից մեկը: Գործարանի աշխատանքը դադարեցվեց 1989-ին, 1993-ին «Նաիրիտը» մասամբ վերագործարկվեց, իսկ 2010-ին վերջնականապես փակվեց: