Հայաստանում Ամերիկյան առևտրի պալատը (AmCham Armenia) կազմակերպել էր «Ազատություն 250․ ընդհանուր արժեքներ, ընդհանուր հնարավորություններ» խորագիրը կրող միջոցառումը։ Մասնակիցների թվում էին ԱՄՆ գործերի ժամանակավոր հավատարմատար Դեյվիդ Ալենը, ՀՀ արտաքին գործերի և միջազգային առևտրի նախարարի տեղակալ Վահան Կոստանյանը, ՀՀ էկոնոմիկայի նախարարի տեղակալ Արամ Խաչատրյանը, ՀՀ բարձր տեխնոլոգիական արդյունաբերության և արհեստական բանականության նախարարի տեղակալ Տաթև Ասլանյանը և Հայաստանում Ամերիկյան առևտրի պալատի նախագահ Էլինա Մարգարյանը։
Քննարկման թեմաներն էին նորարարությունը, ստեղծարարությունն ու համագործակցության խորացման հնարավորությունները։
Միջոցառումը ևս մեկ առիթ էր անդրադառնալու Միացյալ Նահանգներ-Հայաստան ընդհանուր արժեքներին, տնտեսական կապերի աճող դինամիկային և կարևորելու բիզնեսի դերը՝ ձեռք բերված պայմանավորվածությունները առևտրի, ներդրումների և աշխատատեղերի ստեղծման ուղղությամբ կյանքի կոչելու գործում։
ՀՀ-ում ԱՄՆ դեսպանություն
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: