ԱՀԿ գլխավոր տնօրենի պաշտոնում Գևորգ Թամամյանի թեկնածությանն աջակցություն են հայտնել Չինաստանի հակաքաղցկեղային միությունը (CACA), որն ունի ավելի քան 870,000 անդամ, Եգիպտոսի քաղցկեղի միությունը (ECS), ինչպես նաև Ղազախստանի քաղցկեղի միությունը, հայտնում է Aysor.am-ը:
Կազմակերպություններն առանձնացրել են Թամամյանի փորձն ուռուցքաբանության և միջազգային համագործակցության բնագավառներում, ինչպես նաև բուժօգնության հասանելիության բարձրացմանն ու առողջապահական համակարգերի ամրապնդմանն ուղղված նրա աշխատանքը։
Առողջապահության համաշխարհային կազմակերպության հաջորդ գլխավոր տնօրենի ընտրությունը նախատեսվում է անցկացնել 2027 թվականին։
Թամամյանի թեկնածությունն առաջադրել է Բոտսվանան: