Արևմուտքում Ռուսաստանի նախագահ Վլադիմիր Պուտինի՝ Մյունխենում ունեցած ելույթը մեծ մասամբ ընկալվել է որպես առճակատողական, թեև դրա բովանդակությունը հակառակն էր վկայում. այս մասին հայտնել է Ռուսաստանի ղեկավարի մամուլի քարտուղար Դմիտրի Պեսկովը:
«Ընդհակառակը, Պուտինը բացահայտ խոսել է համագործակցության ձգտման և երկխոսության հարցում Ռուսաստանի պատրաստակամության մասին՝ միաժամանակ ընդգծելով իր կողմից նկատվող աճող հակասություններն ու առճակատման նախադրյալները»,- նշել է Պեսկովը։
– ԱՄՆ ներկայացուցիչների հետ աշխատանքային մակարդակով շփումները շարունակվում են։
– Դմիտրիեւը շարունակում է ԱՄՆ ներկայացուցիչների հետ քննարկել հնարավոր տնտեսական համագործակցության հեռանկարները։
– Ռուսաստանի և ԱՄՆ-ի միջև համատեղ տնտեսական նախագծերի իրականացումը չափազանց շահավետ կլիներ երկու երկրների համար։
– ԱՄՆ-ն շարունակում է Ռուսաստանի հետ տնտեսական համագործակցության վերսկսումը կապել Ուկրաինայի հարցով կարգավորման հետ։
– Ուկրաինան ոչ մի քայլ չի կատարել դեպի Ռուսաստանի հետ բանակցություններ, իսկ Եվրոպան շարունակում է խոչընդոտել բանակցային գործընթացի վերսկսմանը։
– Առայժմ որոշ եվրոպացի քաղաքական գործիչների՝ Մոսկվայի հետ երկխոսության անհրաժեշտության վերաբերյալ զգուշավոր հայտարարությունները չեն ազդում համաեվրոպական մասշտաբով գերիշխող հակառուսական տրամադրությունների վրա։
– Լարվածությունը թուլացնելու ուղիներ փնտրելու փոխարեն՝ Եվրոպան որոշել է ձևավորել անվտանգության սեփական ինքնությունը։
– ԵՄ երկրներն իրենց բյուջեների գրեթե 5%-ը ծախսում են եվրոպական պաշտպանական մեխանիզմների ստեղծման վրա, և այդ գործընթացը թափ է հավաքում։
– Եվրոպան որոշել է ձևավորել իր անվտանգային ինքնությունը ՆԱՏՕ-ի կերպարով ու նմանությամբ, որը ստեղծվել էր որպես առճակատման մեխանիզմ։