ԲՀԿ-ն ԵԽԽՎ զեկույցից հետո միջազգային մշտադիտարկման կոչ է անում

ԲՀԿ-ն ԵԽԽՎ զեկույցից հետո միջազգային մշտադիտարկման կոչ է անում

ԲՀԿ-ն ԵԽԽՎ զեկույցից հետո միջազգային մշտադիտարկման կոչ է անում

Sputnik Արմենիա

ԲՀԿ-ն պնդում է, որ այդ ընտրության չեղարկված ձայները հաշվի առնելու դեպքում կուսակցությունը կհաղթահարեր սահմանված շեմը և խորհրդարանում ներկայացվածություն… 29.09.2026, Sputnik Արմենիա

2026-09-29T17:00+0400

2026-09-29T17:00+0400

2026-09-29T17:04+0400

բարգավաճ հայաստան կուսակցություն (բհկ)

ազգային ժողովի ընտրություններ

եվրախորհրդի խորհրդարանական վեհաժողով (եխխվ)

գագիկ ծառուկյան

https://cdn.am.imgsputniknews.ru/img/07ea/06/0c/103429560_0:84:1600:984_1920x0_80_0_0_af46514bd427d563cb6700bf370c2e8f.jpg.webp

ԵՐԵՎԱՆ, 29 սեպտեմբերի – Sputnik. «Բարգավաճ Հայաստան» կուսակցությունը կոչ է արել միջազգային կառույցներին չսահմանափակվել Հայաստանում հունիսի 7-ի խորհրդարանական ընտրությունների ընթացքում արձանագրված խնդիրների փաստմամբ և ապահովել հետընտրական գործընթացների շարունակական միջազգային մշտադիտարկում։ Այս մասին ասվում է կուսակցության տարածած հայտարարության մեջ։ ԲՀԿ-ն դիմել է Եվրոպայի խորհրդի խորհրդարանական վեհաժողովին, Եվրամիությանը, ԵԱՀԿ/ԺՀՄԻԳ-ին, Եվրոպայի խորհրդին և միջազգային այլ կառույցների։Ավելի վաղ հայտնել էինք, որ ԵԽԽՎ-ն հրապարակել է 2026 թվականի հունիսի 7-ին Հայաստանում կայացած խորհրդարանական ընտրությունների դիտարկման զեկույցը։ Զեկույցում առանձնահատուկ ուշադրություն է դարձվել երեք ընտրատեղամասերի քվեարկության արդյունքներն անվավեր ճանաչելու` Կենտրոնական ընտրական հանձնաժողովի որոշմանը։ Դիտորդներին չի բավարարել ԲՀԿ–ի ձայների չհաշվարկման հետ կախված իշխանության պարզաբանումները։ «Միջազգային ուշադրությունը պետք է տարածվի ոչ միայն ընտրությունների անցկացման, այլև ընտրություններից հետո պետական մարմինների կողմից ընդունվող այնպիսի որոշումների վրա, որոնք կարող են փոխել քաղաքական ներկայացվածության արդյունքը»,- ասվում է հայտարարությունում։Կուսակցությունը հատուկ անդրադարձել է ԿԸՀ-ի՝ երեք ընտրատեղամասերում քվեարկության արդյունքներն անվավեր ճանաչելու և կրկնակի քվեարկություն չնշանակելու որոշմանը։ ԲՀԿ-ն պնդում է, որ այդ տեղամասերի արդյունքները հաշվի առնելու դեպքում կուսակցությունը կհաղթահարեր սահմանված շեմը և խորհրդարանում ներկայացվածություն կունենար։Կուսակցության գնահատմամբ՝ տեղի ունեցածը խաթարում է ընտրական գործընթացի և պետական ինստիտուտների նկատմամբ վստահությունը։ ԲՀԿ-ն հայտարարության մեջ անդրադարձել է նաև կուսակցության նախագահ Գագիկ Ծառուկյանի նկատմամբ քրեական հետապնդմանը և նրա կալանավորմանը՝ դրանք դիտարկելով հետընտրական գործընթացների համատեքստում։ Կուսակցությունը միջազգային հանրությունից ակնկալում է գնահատական ինչպես խորհրդարանական ներկայացվածության հարցին, այնպես էլ Ծառուկյանի նկատմամբ քրեական հետապնդման հանգամանքներին։««Բարգավաճ Հայաստանը» շարունակելու է իր պայքարը կուսակցության առաջնորդի՝ Գագիկ Ծառուկյանի օր առաջ ազատության համար։ Այս ուղղությամբ մենք շարունակելու ենք աշխատել միջազգային բոլոր հեղինակավոր կառույցների և ինստիտուտների հետ»,- ասված է հայտարարության մեջ։ԲՀԿ-ն նաև հայտարարել է, որ շարունակելու է պաշտպանել իր ընտրողների քաղաքական ներկայացվածության իրավունքը և ձգտելու է, որ միջազգային դիտորդների արձանագրած խնդիրները ստանան իրավական ու ինստիտուցիոնալ գնահատական։Հիշեցնենք, որ հունիսի 7-ին Հայաստանում ԱԺ ընտրություններ անցկացվեցին, որոնց մասնակցեց 16 կուսակցություն և 2 դաշինք։ Նախնական արդյունքներով ԲՀԿ–ն ստացել էր ընտրողների քվեների 4%–ը և կարող էր մտնել խորհրդարան։ Ավելի ուշ ԿԸՀ–ն անվավեր ճանաչեց 3 ընտրատեղամասերի քվեարկության արդյունքները, ինչի հետևանքով «Բարգավաճ Հայաստան» կուսակցությունը կորցրեց 213 քվե՝ փաստացի չկարողանալով հաղթահարել 4% անցողիկ շեմը։ Հունիսի 14–ին ԿԸՀ–ն հրապարակեց քվեարկության վերջնական արդյունքները, համաձայն որի` ԲՀԿ–ն չի անցնում խորհրդարան (58287 քվե կամ 3.9893%)։Ըստ ԿԸՀ-ի վերջնական արդյունքների՝ խորհրդարանում ՔՊ-ն ստացավ 64, «Ուժեղ Հայաստանը»՝ 29, իսկ «Հայաստան» դաշինքը՝ 12 մանդատ:Հունիսի 19-ին 7 քաղաքական ուժեր դիմեցին ՍԴ՝ պահանջելով չեղյալ ճանաչել ընտրությունների արդյունքները։ Հուլիսի 4–ին ՍԴ–ն ԿԸՀ–ի որոշումը թողեց ուժի մեջ։