Սեպտեմբերի 28-ին Ռուսաստանի Դաշնության նախագահ Վլադիմիր Պուտինը ստորագրել է հրամանագիր, որը սահմանափակում է վառելիքի և էներգետիկայի ոլորտի վերաբերյալ տեղեկատվությանը հասանելիությունը:
Հրամանագրի համաձայն՝ վերամշակման գործարաններում վառելիքի վերամշակման և արտադրության ծավալների, բենզինի և դիզելային վառելիքի վաճառքի, տեղափոխման երթուղիների վերաբերյալ տվյալները կդասակարգվեն որպես սահմանափակ տեղեկատվություն:
Նման տեղեկատվության հրապարակային տարածումը, այդ թվում՝ լրատվամիջոցներում և ինտերնետում, արգելվում է: Հրամանագիրը չի վերաբերում այն հաղորդագրությունների, որոնք ընկերություններն իրենք են հրապարակում հանրությանը հասանելիության համար:
Փաստաթղթում նշված է, որ վառելիքի վերաբերյալ տեղեկատվությանը հասանելիության սահմանափակումը կիրառվում է «ԱՄՆ-ի, ինչպես նաև դրա հետ միացած օտարերկրյա պետությունների և միջազգային կազմակերպությունների կողմից միջազգային իրավունքը խախտող անբարյացակամ գործողություններին ի պատասխան անհապաղ միջոցներ ձեռնարկելու անհրաժեշտության պատճառով»: