Ռուսաստանի իշխանությունները 2027 թվականի բյուջեի նախագծով նախատեսում են պաշտպանական ծախսերի կտրուկ աճ: Ըստ Reuters-ի՝ բանակի և զենքի գնումների համար դաշնային բյուջեից կհատկացվի 17,1 տրիլիոն ռուբլի՝ 32%-ով ավելի, քան 2026 թվականին (12,9 տրիլիոն ռուբլի):
-
Պաշտպանությանն ուղղվելու է պետական բոլոր ծախսերի 35%-ը, ինչը ԽՍՀՄ փլուզումից ի վեր ամենաբարձր ցուցանիշն է:
-
Պատերազմը հարկատուներին կարժենա ամսական 1,42 տրիլիոն ռուբլի, կամ օրական՝ 46,9 միլիարդ ռուբլի:
Ինչու է դա կարևոր. Մոսկվան առաջիկա տարիներին ռազմական ծախսերի էական կրճատում չի պլանավորում. 2028 թվականին պաշտպանության համար կհատկացվի 16,6 տրիլիոն ռուբլի (32,6%), իսկ 2029-ին՝ 16,3 տրիլիոն ռուբլի (30,4%):
-
Նախկինում կանխատեսված ցուցանիշների համեմատ 2027 և 2028 թթ. ռազմական բյուջեներն ավելացվել են համապատասխանաբար 3,1 և 3,3 տրիլիոն ռուբլով:
Ինչպես են ֆինանսավորելու. Ռազմական ծախսերն ու բյուջեի դեֆիցիտը ծածկելու համար իշխանությունները դիմում են հարկային խստացումների և պարտքի ներգրավման.
-
Գերշահույթի հարկ. Սահմանվում է լեռնամետալուրգիական և ոսկու արդյունահանմամբ զբաղվող ընկերությունների համար (3 տարում՝ 600 մլրդ ռուբլի):
-
Եկամտահարկ և ԱԱՀ. Ֆիզիկական անձանց պասիվ եկամուտների (ավանդներ, դիվիդենտներ) առավելագույն դրույքաչափը կբարձրանա շուրջ 22%-ով: Արտասահմանյան առցանց խանութների գնումների համար սահմանվում է 22% ԱԱՀ:
-
Նոր պարտքեր. Ֆինանսների նախարարությունը կտրուկ կավելացնի փոխառությունները՝ 2027-ին ներգրավելով 7,7 տրիլիոն, իսկ 2028-ին՝ 7,4 տրիլիոն ռուբլի:
Թվերի հետևում. 2022 թ. սկզբից մինչև 2026 թ. կեսերը ՌԴ-ն պատերազմի վրա ծախսել է 57 տրիլիոն ռուբլի (ՀՆԱ-ի ~28%-ը), հաշվարկել է տնտեսագետ Յանիս Կլյուգեն:
-
2027-ի ավարտին պատերազմի ընդհանուր արժեքը կարող է հասնել 74 տրիլիոն ռուբլու ($876 մլրդ)՝ գերազանցելով ՌԴ Կենտրոնական բանկի ողջ ոսկեարժութային պահուստները ($748,2 մլրդ):