Եվրամիությունը կոչ է անում անդամ երկրներին շտապ Ուկրաինային փոխանցել «Patriot» հակաօդային պաշտպանության համակարգերի հրթիռների իրենց պահուստները:
Ինչու է դա կարևոր. Քաղաքացիական ենթակառուցվածքների վրա հարձակումների ֆոնին Ուկրաինայի ՀՕՊ կարիքները դարձել են օրհասական:
-
«Ուկրաինան շտապ հակաօդային պաշտպանության կարիք ունի: Մենք կրկին կոչ ենք անում այն երկրներին, որոնք ունեն համապատասխան համակարգեր, փոխանցել դրանք», — ԵՄ պաշտպանության նախարարների հանդիպումից առաջ հայտարարել է ԵՄ արտաքին քաղաքականության պատասխանատու Կայա Կալասը:
Մյուս կողմից. Եվրոպացի դիվանագետները ստիպված են միաժամանակ արձագանքել նաև Մերձավոր Արևելքի ճգնաժամին:
-
Կալասի խոսքով՝ «ASPIDES» ռազմածովային գործողության լիարժեք իրականացման համար ԵՄ-ին խիստ պակասում են ռազմածովային միջոցներ:
-
«Մենք բազմաթիվ խնդրանքներ ենք ստանում նավերին ուղեկցելու համար, սակայն դրա համար անհրաժեշտ են համապատասխան ռազմածովային ռեսուրսներ»,- ընդգծել է նա:
Եվրոպան միաժամանակյա ճնշման է ենթարկվում երկու ճակատում՝ փորձելով փակել Ուկրաինայի երկինքն ու ապահովել նավագնացության անվտանգությունը Մերձավոր Արևելքում: