Բաժանորդագրվեք araratnews-ի տելեգրամ ալիքին։
Երևանի Ծիծեռնակաբերդի խճուղում գտնվող էլեկտրական ենթակայանում բռնկված հրդեհի մասին խոսել է ՀԷՑ-ի ժամանակավոր կառավարիչ Ռոմանոս Պետրոսյանը։ Նա նշել է, որ ենթակայանում հրդեհը մարելուց հետո մասնագետները կանցկացնեն օբյեկտի փորձաքննություն։
«Եթե պարզվի, որ ենթակայանը պիտանի է հետագա շահագործման համար, այն կվերակառուցվի»,- նշել է նա։
Նա չի բացառել նաև արտաքին կամ ներքին միջամտության հնարավորությունը։ Նրա խոսքով՝ ծառայողական քննություն կանցկացվի՝ ընդգրկելով ընկերության բոլոր ստորաբաժանումները՝ հերթապահներից մինչև մասնագետներ։