Արցախցի փաստաբան Ռոման Երիցյանի ֆեյսբուքյան գրառումը
Դատարանը ռուսական «Արբատ» զորամիավորման անդամ, արցախցի Արմեն Մնացականյանի նկատմամբ կիրառված կալանքը փոխարինել է տնային կալանքով և գրավով։
Հիշեցնեմ, որ Ռուսաստանում հնչեցրած՝ «Հայաստանը պետք է մաքրել դավաճաններից և ազատագրել Արցախը» խոսքերի համար Արմեն Մնացականյանին և այլ անձանց, այդ թվում՝ «Սև Հովազ» զորամիավորման հրամանատար Սերոբ Գասպարյանին, մեղադրանքներ էին առաջադրվել սահմանադրական կարգի տապալման և իշխանության յուրացման փորձի համար։
Արմեն Մնացականյանը, որն արցախյան պատերազմի ակտիվ մասնակից է և մանկահասակ երեխաների հայր, շուրջ երկու տարի գտնվել է կալանքի տակ՝ այդ ընթացքում կորցնելով նաև հարազատ եղբորը, որն իր հերթին զոհվածի հայր էր։
Երկու տարի առաջ՝ սեպտեմբերի 10-ին, նա ձերբակալվել էր Հայաստան ժամանելուց անմիջապես հետո, երբ եկել էր մասնակցելու եղբորորդու զոհվելու տարելիցի հիշատակի արարողությանը։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: