https://arm.sputniknews.ru/20260926/uzhegh-hajastany-vstah-e-stipel-en-karavarutjany-transpvort-tramadrel-tigranashenin-107334267.html
«Ուժեղ Հայաստանը» վստահ է՝ ստիպել են կառավարությանը տրանսպորտ տրամադրել Տիգրանաշենին
«Ուժեղ Հայաստանը» վստահ է՝ ստիպել են կառավարությանը տրանսպորտ տրամադրել Տիգրանաշենին
Sputnik Արմենիա
Ավելի վաղ խմբակցության ղեկավարը հայտարարել էր, որ նախատեսում են զբոսաշրջային մեծ ծրագիր իրականացնել Տիգրանաշենում։ 26.09.2026, Sputnik Արմենիա
2026-09-26T12:06+0400
2026-09-26T12:06+0400
2026-09-26T12:06+0400
հայաստան
տիգրանաշեն
«ուժեղ հայաստան» կուսակցություն
տրանսպորտ
https://cdn.am.imgsputniknews.ru/img/07e7/01/1e/54554039_0:0:1280:720_1920x0_80_0_0_8646bd817ee75f0f558694deb1e82765.jpg.webp
ԵՐԵՎԱՆ, 26 սեպտեմբերի – Sputnik․ Արարատի մարզի Տիգրանաշեն բնակավայրին տրանսպորտ կտրամադրվի։ Այս մասին ֆեյսբուքյան իր էջում հայտնում է «Ուժեղ Հայաստան» կուսակցությունը՝ շեշտելով, որ հենց իրենք են իշխանություններին ստիպել նման որոշում կայացնել։Օրեր առաջ ԱԺ «Ուժեղ Հայաստան» խմբակցության քարտուղար Տիգրան Աբրահամյանը հայտարարել էր, որ խմբակցության պատգամավորները որոշել են Անկախության օրվա առիթով ստացած պարգևավճարներն ուղղել Տիգրանաշենում մի քանի ծրագրերի իրականացմանը, այդ թվում՝ գործարկել գյուղմթերքի շուկա, կառուցել նոր խաղահրապարակ, ձեռք բերել ավտոբուս՝ երեխաներին դպրոց տանելու, մարզկենտրոն հասնելու համար և այլն։Հավելենք, որ ավելի վաղ խմբակցության ղեկավար Նարեկ Կարապետյանը հայտարարել էր, որ որոշել են տարբեր ծրագրեր իրականացնել Տիգրանաշենում՝ այն զարգացնելու, զբոսաշրջային կենտրոն դարձնելու համար՝ շեշտելով, թե թույլ չեն տալու Տիգրանաշենի հանձնումն Ադրբեջանին։ Սեպտեմբերի 21-ին՝ Անկախության օրն էլ խմբակցության պատգամավորները Տիգրանաշենում ծառատունկ էին իրականացրել։Հիշեցնենք՝ ՀՀ վարչապետ Նիկոլ Փաշինյանն ավելի վաղ ԱԺ-ում խոսել էր Արարատի մարզի Տիգրանաշեն հայկական գյուղի մասին։ Նա հայտարարել էր, որ ադրբեջանական կողմի հետ դեռևս մանրամասն չեն քննարկվել անկլավների և էքսկլավների հարցերը, սակայն դրանք պետք է լուծվեն խաղաղության, այլ ոչ թե հակամարտության տրամաբանությամբ, ինչը նշանակում է, որ պետք է գործել երկու հանրապետությունների բնակիչների շահերից ելնելով՝ նրանց համար լրացուցիչ բարդություններ չստեղծելով: Նա հայտարարել էր, որ Երևանի և Բաքվի կողմից համաձայնեցված սահմանազատման սկզբունքի համաձայն՝ Արծվաշենը Հայաստանի տարածքն է, մինչդեռ Քյարքին (Տիգրանաշեն), Բարխուդարլուն և Յուխարի Ասկիպարան՝ ոչ:
տիգրանաշեն
2026
Լուրեր
am_HY
https://cdn.am.imgsputniknews.ru/img/07e7/01/1e/54554039_169:0:1129:720_1920x0_80_0_0_d45aaba8f0a117aafcf55038af26969b.jpg.webp
հայաստան, տիգրանաշեն, «ուժեղ հայաստան» կուսակցություն, տրանսպորտ
հայաստան, տիգրանաշեն, «ուժեղ հայաստան» կուսակցություն, տրանսպորտ
Ավելի վաղ խմբակցության ղեկավարը հայտարարել էր, որ նախատեսում են զբոսաշրջային մեծ ծրագիր իրականացնել Տիգրանաշենում։
Օրեր առաջ ԱԺ «Ուժեղ Հայաստան» խմբակցության քարտուղար Տիգրան Աբրահամյանը հայտարարել էր, որ խմբակցության պատգամավորները որոշել են Անկախության օրվա առիթով ստացած պարգևավճարներն ուղղել Տիգրանաշենում մի քանի ծրագրերի իրականացմանը, այդ թվում՝ գործարկել գյուղմթերքի շուկա, կառուցել նոր խաղահրապարակ, ձեռք բերել ավտոբուս՝ երեխաներին դպրոց տանելու, մարզկենտրոն հասնելու համար և այլն։
Պատգամավորների խոսքով՝ հենց դրանից հետո է հայտնի դարձել, որ իշխանությունները որոշել են տրանսպորտ հատկացնել Տիգրանաշենին։
Հիշեցնենք՝ ՀՀ վարչապետ Նիկոլ Փաշինյանն ավելի վաղ ԱԺ-ում խոսել էր Արարատի մարզի Տիգրանաշեն հայկական գյուղի մասին։ Նա հայտարարել էր, որ ադրբեջանական կողմի հետ դեռևս մանրամասն չեն քննարկվել անկլավների և էքսկլավների հարցերը, սակայն դրանք պետք է լուծվեն խաղաղության, այլ ոչ թե հակամարտության տրամաբանությամբ, ինչը նշանակում է, որ պետք է գործել երկու հանրապետությունների բնակիչների շահերից ելնելով՝ նրանց համար լրացուցիչ բարդություններ չստեղծելով: Նա հայտարարել էր, որ Երևանի և Բաքվի կողմից համաձայնեցված սահմանազատման սկզբունքի համաձայն՝ Արծվաշենը Հայաստանի տարածքն է, մինչդեռ Քյարքին (Տիգրանաշեն), Բարխուդարլուն և Յուխարի Ասկիպարան՝ ոչ: