ԵՄ խորհուրդն ընդունել է Հայաստանի համար առևտրի արտոնյալ պայմանների ռեժիմը
ԵՄ խորհուրդն այսօր պաշտոնապես ընդունեց հայկական արտադրանքի համար առևտրի ազատականացման ժամանակավոր միջոցառումներ՝ Ռուսաստանի կողմից վերջերս սահմանված առևտրային սահմանափակումներից հետո Հայաստանի տնտեսությանը աջակցելու համար: Այս միջոցառումները կազատականացնեն ԵՄ-ին հայկական արտահանման մոտ 80%-ը՝ կասեցնելով ապրանքների լայն շրջանակի, այդ թվում՝ որոշակի գյուղատնտեսական ապրանքների ներմուծման մաքսատուրքերը: Այս ժամանակավոր արտոնյալ կարգավորումը կգործի երկու տարի ժամկետով: Այդ մասին հայտնում են ԵՄ-ից։
Այս ժամանակավոր միջոցառումները կնպաստեն Հայաստանից ԵՄ առևտրային հոսքերի աջակցմանը և ամրապնդմանը՝ համաձայն Համապարփակ և ընդլայնված գործընկերության համաձայնագրի (CEPA) նպատակների: Արտոնյալ կարգավորումը գալիս է որոշակի պայմաններով և ներառում է պաշտպանիչ միջոցառումներ՝ ԵՄ շուկան պաշտպանելու համար, եթե ներմուծումը բացասաբար է անդրադառնում ԵՄ արտադրողների վրա:
Այս վերջնական ընդունումը հաջորդում է Եվրախորհրդարանի լիագումար նիստում Հանձնաժողովի առաջարկության վերաբերյալ դրական քվեարկությանը՝ առանց փոփոխությունների: