«Պետությունն անտեր չի մնալու, Հայաստանը տեր ունի՝ Հայաստանի ժողովուրդը, բայց Հայաստանի անվտանգությունն է անտեր մնալու, քանի որ ռուսական ռազմաբազան համարվում է անվտանգային համակարգի բաղադրիչ»,- նշել է Կարապետյանը։
Նրա գնահատմամբ՝ անհեռատես քայլ է վերացնել ձևավորված անվտանգային համակարգը՝ չունենալով այլընտրանքի նույնիսկ առաջարկություն։ Ըստ նրա՝ աշխարհում շատ քիչ են այն երկրները, որոնք անվտանգային երաշխավորներ պետք չեն։
Ավելի վաղ Կարապետյանը կարծիք էր հայտնել, որ ռուսական դերակատարմանը փոխարինելու է գալու թուրքականը։
Նշենք, որ ՀՀ վարչապետ Նիկոլ Փաշինյանը լրագրողների հետ ճեպազրույցում հայտարարել էր, թե ռուսական ռազմաբազայի ներկայությունը ՀՀ-ում կենսական անհրաժեշտություն չէ։
Ըստ նրա` եթե Ռուսաստանը որոշի դուրս բերել ռազմաբազան Հայաստանի Հանրապետությունից, ՀՀ իշխանությունները չեն առարկի։