Բաժանորդագրվեք araratnews-ի տելեգրամ ալիքին։
ՆԱՏՕ-ում ԱՄՆ մշտական ներկայացուցիչ Մեթյու Ուիթակերը վստահ է, որ Ռուսաստանը չի ձգտում հակամարտության դաշինքի հետ, և դաշնակիցներին կոչ է արել հանգիստ արձագանքել ստեղծված իրավիճակին։ Այս մասին նա հայտնել է AP-ին՝ Այովայում կայացած միջոցառումից հետո։
«Ռուսաստանը չի ցանկանում հակամարտություն ՆԱՏՕ-ի հետ»,- հայտարարել է նա՝ հավելելով, որ Մոսկվան ինքն է բազմիցս հայտարարել, որ մտադրություն չունի հարձակվել դաշինքի երկրների վրա։
Ուիթակերը նաև հորդորել է դաշնակիցներին սուր չարձագանքել այնպիսի միջադեպերի դեպքում, ինչպիսին է եվրոպական երկրներում անօդաչու թռչող սարքերի հայտնաբերումը։
Նա նշել է, որ այս դեպքերը պատահական բնույթ են կրում և հետևանք են Ուկրաինայի հակամարտության կողմերի գործողությունների։