«Եթե կլինի խաղաղություն, 20-25 տարի հետո որպես զբոսաշրջիկ գուցե, բայց այլ կերպ բացառված է»,-լրագրողների փաստմանը՝ ադրբեջանական կողմից անընդհատ հնչում են հոխորտանքներ, որ Սևանն իրենցն է և այլ հայտարարություններ ևս, և հարցին՝ բացառո՞ւմ եք, որ երբևէ ադրբեջանցիները կլողան Սևանա լճում, ԱԺ-ում լրագրողների հետ ճեպազրույցում այսպես պատասխանեց ՀՀ Գեղարքունիքի մարզպետ Կարեն Սարգսյանը։
Լրագրողները հետաքրքրվեցին՝ այդ վստահությունը Ձեզ որտեղի՞ց, նա պատասխանեց․ «էդ վստահությունը ինձ իմ արած քաղաքականությունը, իմ կազմակերպած աշխատանքը և վերլուծությունն է տվել»։
Հիշեցմանը՝ ադրբեջանցիները դեռ ՀՀ ինքնիշխան տարածքում են, մարզպետն առանձնապես չցանկանալով ամբողջական պատասխանել` ասաց․ «ՀՀ ինքնիշխան տարածքի վրա որևէ ոտնձգություն ՀՀ-ն թույլ չի տալու, իր ունեցած բոլոր գործիքակազմն օգտագործելու է, որ այդ ագրեսորին կամ ագրեսիվ պահվածք դրսևորածին իր տեղը ցույց տա»։
Տաթև ՀԱՐՈՒԹՅՈՒՆՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: