Արհեստական բանականությունից մինչև արբանյակային կապ

ՀՀ բարձր տեխնոլոգիական արդյունաբերության և արհեստական բանականության նախարար Դավիթ Թադևոսյանը սեպտեմբերի 22-ին ընդունել է Amazon Web Services (AWS) ընկերության պատվիրակությանը՝ EU MED հանրային քաղաքականության տնօրեն Ֆրանկո Սպիչարիելոյի և AWS Sovereign Cloud-ի բիզնեսի զարգացման ղեկավար Կարա Նալաբանդյանի գլխավորությամբ (ԲՏԱԱԲՆ)։

• AI Virtual Institute. Քննարկման առանցքային թեմաներից է եղել Արհեստական բանականության վիրտուալ ինստիտուտին AWS ամպային ծառայությունների մատուցման հնարավորությունը։

• Amazon LEO արբանյակային կապ. Կողմերը դիտարկել են Amazon-ի ցածր ուղեծրային (LEO) արբանյակային ցանցի հնարավորությունների կիրառումը Հայաստանում։

• Հետագա քայլերը. Հանդիպմանը (որին մասնակցել է նաև փոխնախարար Գևորգ Մանթաշյանը) կողմերը քննարկել են նշված ուղղություններով համագործակցության հնարավոր ձևաչափերն ու հետագա գործողությունների ծրագիրը։

Ինչու է դա կարևոր AWS-ի նման համաշխարհային տեխնոլոգիական հսկայի ներգրավումը AI Virtual Institute-ի աշխատանքներում և Amazon LEO արբանյակային կապի ինտեգրումը կարող են էապես արագացնել Հայաստանի թվային ենթակառուցվածքների արդիականացումն ու արհեստական բանականության էկոհամակարգի զարգացումը։