Ուկրաինայի և ԱՄՆ-ի նախագահներ Վլադիմիր Զելենսկին և Դոնալդ Թրամփը հանդիպում կանցկացնեն սեպտեմբերի 22-ին։
Այս մասին հայտնում է RBK-Ուկրաինան՝ Telegram-ի իր ալիքում՝ հղում անելով աղբյուրին։
«Իրազեկ աղբյուրի տվյալներով՝ նախագահները պետք է հանդիպեն Կիևի ժամանակով կեսօրից հետո կամ երեկոյան», – ասվում է հրապարակման մեջ։
Ավելի վաղ Ուկրաինայի նախագահ Վլադիմիր Զելենսկին Telegram-ի իր ալիքում հայտնել էր, որ «կարևոր» հեռախոսազրույց է ունեցել ԱՄՆ նախագահ Դոնալդ Թրամփի հետ։ Նրա խոսքով՝ նրանք պայմանավորվել են հանդիպել Նյու Յորքում։