«Դուք պետք է կարողանաք տարանջատել Հակոբ Մովսես մտավորականին եւ Հակոբ Հակոբյան ինքնավար մարմնի անդամին, որն ունի որոշակի գործառույթներ», – ԱԺ նստաշրջանում ՀՌՀ անդամ Հակոբ Հակոբյանի (Հակոբ Մովսես) լիազորությունները դադարեցնելու նախագծի քննարկման ժամանակ ասաց «Հայաստան» խմբակցության պատգամավոր Արթուր Խաչատրյանը։
Նշենք, որ «Հայաստան» խմբակցությունը ներկայացրել է Հակոբ Մովսեսի լիազորությունները դադարեցնելու նախագիծ։ Ընդդիմադիր պատգամավորները գտնում են, որ Հակոբ Մովսեսը խախտել է ՀՌՀ անդամի կարգավիճակից բխող քաղաքական չեզոքության եւ զսպվածության պահանջները՝ քաղաքական գնահատականներ հնչեցնելով ՀՅԴ հասցեին։
«Ձեր գնահատական տալը հակասում է անկախ մարմնի անդամ լինելու իրավունքներին եւ պարտականություններին։ Ձեզ մոտ խորքային երկվություն է առաջացել, եթե ձեզ համար ավելի հոգեհարազատ է գրող, արվեստագետ, մտավորական Հակոբ Մովսեսը, Աստծու սիրուն, դրա վրա կենտրոնացեք։ Բայց դուք պետական պաշտոնյա եք, եւ պետական պաշտոնյան ունի վարքագծի որոշակի կանոններ, դուք էդ կանոնն եք խախտել», – հավելեց Արթուր Խաչատրյանը։
Մանրամասները՝ տեսանյութում
Արթուր Խաչատրյանը մեջբերեց ժողովրդական խոսքը․ «Ասում է՝ ծեծում է, ուրեմն սիրում է։ Ի՞նչ է նշանակում՝ Հակոբ Մովսեսը Դաշնակցությանը քննադատեց, որովհետեւ մտածում է Դաշնակցության մասին։ Աստծու սիրուն, ձեր մասին մտածեք, եւ շանս տալու իրավասությունը վերապահեք ձեր գործառույթներին առնչվող ազատությունների վրա»։
Ամբողջական տեսանյութը՝
Ռոզա ՀՈՎՀԱՆՆԻՍՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: