Մոսկվան սպառնում է արձագանքել Հայաստանում ռուսական բիզնեսի սահմանափակումներին

ՌԴ փոխարտգործնախարար Միխայիլ Գալուզինը հայտարարել է, որ Հայաստանում նկատվում են քաղաքական դրդապատճառներով «սեփականության վերաբաժանման» նշաններ, ինչը հակասում է ռուսական ներդրումների անվտանգության վերաբերյալ Երևանի հավաստիացումներին։

Մոսկվայի հիմնական մտահոգությունները

• «Հայաստանի էլեկտրական ցանցեր» (ՀԷՑ). Գալուզինը Սամվել Կարապետյանին պատկանող ՀԷՑ-ի շուրջ գործընթացները որակել է որպես «ազգայնացում» և քաղաքական հաշվեհարդար՝ նշելով, որ ընկերության աշխատանքից բողոքներ չկային մինչև գործարարի մուտքը քաղաքական դաշտ։

• «Հարավկովկասյան երկաթուղի» (ՀԿԵ). ՌԴ ԱԳՆ-ն անընդունելի է համարում ՀԿԵ-ի կոնցեսիոն կառավարումը երրորդ երկրի վաճառելու վերաբերյալ Հայաստանի ղեկավարության հայտարարությունները։ Գալուզինի խոսքով՝ դրա հետևում թաքնված է երկաթուղին այլ պետությունների աշխարհաքաղաքական նախագծերին փոխանցելու մտադրություն։

Թվերով (ՀԿԵ ցուցանիշները 2008-ից ի վեր)

• 388 մլն դոլար (30 մլրդ ռուբլի) — իրականացված ներդրումների ծավալը։

• 194 մլն դոլար (15 մլրդ ռուբլի) — վճարված հարկերը։

• 520 կմ — վերանորոգված երկաթգիծ (ընդհանուր 700 կմ-ից)։

• 2,500+ — ապահովված աշխատատեղեր։

Ինչու է դա կարևոր ՌԴ փոխարտգործնախարարն ընդգծել է, որ ռուսական տնտեսական օպերատորների շահերի խախտումը վնաս կհասցնի Հայաստանի ներդրումային մթնոլորտին և «չի մնա առանց ռուսական կողմի պատշաճ արձագանքի»։