«Հենակետ» վերլուծական կենտրոնի ՖԲ էջից.
ԱՄՆ Պաշտպանության նախարարությունը քննարկում է Եվրոպայից շուրջ 25 հազար ամերիկացի զինծառայողի դուրսբերման հնարավորությունը, ինչը կազմում է այնտեղ տեղակայված ուժերի մոտ մեկ երրորդը, հայտնում է NBC News-ը։
Քննարկվում է նաև ավելի մեծ կրճատման տարբերակ՝ Եվրոպայում ամերիկյան ռազմական ներկայությունը հասցնելով մոտ 40 հազար զինծառայողի։ Հնարավոր կրճատումները կարող են վերաբերել հատկապես Գերմանիայում, Իտալիայում և Իսպանիայում տեղակայված ուժերին, ինչպես նաև ինքնաթիռներին, նավերին և սպառազինությանը։
Այսօր՝ սեպտեմբերի 18-ին, Եվրոպայում ԱՄՆ ուժերի հրամանատար Ալեքսուս Գրինկևիչը պետք է ներկայացնի իր վերլուծությունը, իսկ վերջնական առաջարկները սպասվում են մինչև նոյեմբերի 6-ը։ Դրանից հետո դրանք կարող են ներկայացվել նախագահ Դոնալդ Թրամփին։
Այս պահին վերջնական որոշում դեռ ընդունված չէ։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: