«Մենք գործ ունենք իրական Հայաստանի դատաիրավական համակարգի հետ, դրա համար պետք է պատրաստ լինենք ցանկացած որոշումների»,- հարցին՝ ո՞նց եք մեկնաբանում, որ Ձեր տնային կալանքի ժամկետը երկու ամսով երկարաձգվեց, արդյոք դատարանն իշխանությունների հրահա՞նգն է կատարում, իր գործով դատական նիստից հետո լրագրողների հետ ճեպազրույցում այսպես պատասխանեց «Ուժեղ Հայաստան» կուսակցության առաջնորդ Սամվել Կարապետյանը։
Հարցին՝ ո՞նց եք տրամադրված, Սամվել Կարապետյանը պատասխանեց․ «Շատ լավ, գնում ենք հաղթանակի, ազատագրենք մեր երկիրը»։
Փաստմանը՝ հաճախ է Նիկոլ Փաշինյանը դժգոհում դատական համակարգից, որ արդար չեն, ճիշտ չեն, Սամվել Կարապետյանն այս առիթով ասաց․ «Ես էլ եմ դժգոհում, որ արդար չեն, ճիշտ չեն գործում»։ Հարցին՝ ո՞վ է մեղավոր, Սամվել Կարապետյանը պատասխանեց․ «Փաշինյանն է մեղավոր։ Պետք է հեռանա, որ նորմալ դատաիրավական համակարգ ստեղծենք»։
Սամվել Կարապետյանի գործով դատական նիստն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: