Բաժանորդագրվեք araratnews-ի տելեգրամ ալիքին։
Ադրբեջանի նախագահ Իլհամ Ալիևը վստահություն է հայտնել, որ Հայաստանի հետ խաղաղությունը կլինի երկարատև։
«Այո՛, այսօր խաղաղություն կա, պատերազմն ավարտվել է։ Հայաստանի և Ադրբեջանի միջև խաղաղության գործընթաց է ընթանում, և ես վստահ եմ, որ այն երկարաժամկետ կլինի։ Ամեն դեպքում, հենց սա է Ադրբեջան պետության դիրքորոշումը», – ասել է Ալիևը՝ Բաքվում ընդունելով Թյուրքական պետությունների կազմակերպության գլխավոր քարտուղար Կուբանիչբեկ Օմուրալիևին, ինչպես նաև ԹՊԿ-ի Մուսուլմանական կրոնական վարչությունների ղեկավարների խորհրդի անդամներին և դիտորդներին։