Նիկոլ Փաշինյանը մասնակցել է «Հայաստան» համահայկական հիմնադրամի հոգաբարձուների խորհրդի հերթական նիստին: Միջոցառմանը ներկա են եղել նաև Հանրապետության նախագահ, հիմնադրամի հոգաբարձուների խորհրդի նախագահ Վահագն Խաչատուրյանը, Ազգային ժողովի նախագահ Ռուբեն Ռուբինյանը, Սահմանադրական դատարանի նախագահ Արման Դիլանյանը, Արտաքին գործերի նախարար Արարատ Միրզոյանը և այլ պաշտոնյաներ:
Նիստի ընթացքում «Հայաստան» համահայկական հիմնադրամի գործադիր տնօրեն Արամայիս Ավետիսյանը մանրամասն ներկայացրել է կառույցի զարգացման եռամյա ռազմավարությունը, ինչպես նաև ծրագրային հիմնական առաջնահերթությունները: Հանդիպման մասնակիցներն ակտիվ քննարկում են ծավալել ներկայացված նախագծերի շուրջ՝ կարևորելով հիմնադրամի արդյունավետության բարձրացումն ու համահայկական ռեսուրսների ճիշտ թիրախավորումը:
Օրակարգի շրջանակում ամփոփվել են հիմնադրամի 2025 թվականի գործունեության արդյունքները և քննարկման են դրվել 2027-2029 թվականների բյուջետային պլանավորման հարցերը: Նիկոլ Փաշինյանն ու նիստի մյուս մասնակիցները նշել են առաջիկա տարիներին նախատեսվող ծրագրերի հաջող իրականացման անհրաժեշտությունը: