https://arm.sputniknews.ru/20260915/hutinery-harvatsner-en-hascrel-saudjan-arabiajin-inch-e-hajtni-ajs-zhamin-106848848.html
Հութիները հարվածներ են հասցրել Սաուդյան Արաբիային. ի՞նչ է հայտնի այս ժամին
Հութիները հարվածներ են հասցրել Սաուդյան Արաբիային. ի՞նչ է հայտնի այս ժամին
Sputnik Արմենիա
Էր Ռիադը պաշտոնապես դիմել է բրիտանական իշխանություններին` դիվանագիտական և ռազմական օգնություն ստանալու խնդրանքով: 15.09.2026, Sputnik Արմենիա
2026-09-15T09:33+0400
2026-09-15T09:33+0400
2026-09-15T09:33+0400
սաուդյան արաբիա
տեսանյութեր
տեսանյութ
https://cdn.am.sputniknews.ru/img/07ea/09/0f/106846253_0:0:1920:1080_1920x0_80_0_0_ac71a201414de6950eaa5a9d364bcc7e.jpg.webp
Սաուդյան Արաբիայի Աբհա քաղաքի նավթավերամշակման գործարանում խոշոր հրդեհ է բռնկվել Եմենի հարվածների հետևանքով։ Այս մասին հաղորդում է իրանական IRIB հեռուստաընկերությունը:Ինչպես հաղորդում են մերձավորարևելյան թեմատիկայով մասնագիտացված տելեգրամյան ալիքները, Եմենի հյուսիսում իշխող շիա «Անսար Ալլահ» շարժումն էլ զանգվածային հարված է հասցրել Սաուդյան Արաբիային: Թիրախավորվել են երկրի 6 տարածաշրջաններ։Նշվում է, որ լայնածավալ հարձակման ընթացքում հութիները կիրառել են բալիստիկ հրթիռներ և հարվածային անօդաչու թռչող սարքեր: Ամբողջ Սաուդյան Արաբիայում հնչում է օդային տագնապ, լսելի են հզոր պայթյուններ։«Reuters» գործակալության տվյալներով` սեպտեմբերի 14–ին Սաուդյան Համիս Մուշեյթ, Աբհա և Թաիֆ քաղաքների վրա հութիների հարվածների հետևանքով վիրավորվել է առնվազն 13 մարդ:Ավելի վաղ «Bloomberg» գործակալությունը հայտնել էր, որ Էր Ռիադը պաշտոնապես դիմել է բրիտանական իշխանություններին` դիվանագիտական և ռազմական աջակցություն ստանալու խնդրանքով:Սաուդյան կողմը Կարմիր ծովի ափի երկայնքով հութիների հարձակումը հետ մղելու, ինչպես նաև նավթային ենթակառուցվածքի պաշտպանության հարցերով ակնկալում է օպերատիվ աջակցություն:Միացյալ Թագավորության վարչապետ Էնդի Բերնեմը գնահատում է նման քայլի ռիսկերը։ Մի կողմից Լոնդոնը վախենում է Մերձավոր Արևելքում տևական պատերազմի մեջ ներքաշվելուց, մյուս կողմից մտահոգված է երկրի նոր բյուջեի մոտալուտ ներկայացման նախօրեին բրիտանական տնտեսությանը հասցված վնասով։Հիշեցնենք, որ հութիները հուլիսից գրեթե ամեն օր գնդակոծում են Սաուդյան Արաբիայի հարավը՝ ի պատասխան Եմենի տարածքին հասցված հարվածների:
սաուդյան արաբիա
2026
Լուրեր
am_HY
https://cdn.am.sputniknews.ru/img/07ea/09/0f/106846253_240:0:1680:1080_1920x0_80_0_0_2d90032102edf2a8e66fc8e757622093.jpg.webp
սաուդյան արաբիա, տեսանյութեր, տեսանյութ, видео
սաուդյան արաբիա, տեսանյութեր, տեսանյութ, видео
Էր Ռիադը պաշտոնապես դիմել է բրիտանական իշխանություններին` դիվանագիտական և ռազմական օգնություն ստանալու խնդրանքով:
Սաուդյան Արաբիայի Աբհա քաղաքի նավթավերամշակման գործարանում խոշոր հրդեհ է բռնկվել Եմենի հարվածների հետևանքով։ Այս մասին հաղորդում է իրանական IRIB հեռուստաընկերությունը:
Ինչպես հաղորդում են մերձավորարևելյան թեմատիկայով մասնագիտացված տելեգրամյան ալիքները, Եմենի հյուսիսում իշխող շիա «Անսար Ալլահ» շարժումն էլ զանգվածային հարված է հասցրել Սաուդյան Արաբիային: Թիրախավորվել են երկրի 6 տարածաշրջաններ։
Նշվում է, որ լայնածավալ հարձակման ընթացքում հութիները կիրառել են բալիստիկ հրթիռներ և հարվածային անօդաչու թռչող սարքեր: Ամբողջ Սաուդյան Արաբիայում հնչում է օդային տագնապ, լսելի են հզոր պայթյուններ։
«Reuters» գործակալության տվյալներով` սեպտեմբերի 14–ին Սաուդյան Համիս Մուշեյթ, Աբհա և Թաիֆ քաղաքների վրա հութիների հարվածների հետևանքով վիրավորվել է առնվազն 13 մարդ:
Ավելի վաղ «Bloomberg» գործակալությունը հայտնել էր, որ Էր Ռիադը պաշտոնապես դիմել է բրիտանական իշխանություններին` դիվանագիտական և ռազմական աջակցություն ստանալու խնդրանքով:
Սաուդյան կողմը Կարմիր ծովի ափի երկայնքով հութիների հարձակումը հետ մղելու, ինչպես նաև նավթային ենթակառուցվածքի պաշտպանության հարցերով ակնկալում է օպերատիվ աջակցություն:
Միացյալ Թագավորության վարչապետ Էնդի Բերնեմը գնահատում է նման քայլի ռիսկերը։ Մի կողմից Լոնդոնը վախենում է Մերձավոր Արևելքում տևական պատերազմի մեջ ներքաշվելուց, մյուս կողմից մտահոգված է երկրի նոր բյուջեի մոտալուտ ներկայացման նախօրեին բրիտանական տնտեսությանը հասցված վնասով։
Հիշեցնենք, որ հութիները հուլիսից գրեթե ամեն օր գնդակոծում են Սաուդյան Արաբիայի հարավը՝ ի պատասխան Եմենի տարածքին հասցված հարվածների: