Ստամբուլի քաղաքապետ Էքրեմ Իմամօղլուն դատապարտվել է երկու տարի և մեկ ամիս ժամկետով ազատազրկման, ինչպես նաև զրկվել է քաղաքական գործունեությամբ զբաղվելու իրավունքից Թուզլա շրջանի նախկին քաղաքապետ Շադի Յազըջըին վիրավորելու գործով։ Դատական նիստը տեղի է ունեցել սեպտեմբերի 11-ին՝ Սիլիվրիում։
Ավելի վաղ Իմամօղլուն այս գործով երկու անգամ արդարացվել էր, սակայն վերաքննիչ դատարանը չեղարկել էր այդ որոշումները և գործն ուղարկել նոր քննության։ Քաղաքապետի պաշտպանական թիմը պնդել էր նրա լիակատար արդարացման անհրաժեշտությունը՝ նշելով, որ նրա արտահայտությունները հանվել են համատեքստից։ Ինքը՝ Իմամօղլուն, դատավարությունը որակել է որպես «սկանդալ և իրավական կամայականության դրսևորում»։
Դատավճռի հրապարակումից հետո դատարանի շենքից դուրս գալիս Ստամբուլի քաղաքապետը հայտարարել է. «Նշանակովի դատավորները չեն կարող որոշել իմ ճակատագիրը։ Այս վճիռն իրավական առումով անվավեր է։ Բարձր պահեք ոգին»։
Դեռ «Բարձրագույն ընտրական խորհրդի նկատմամբ անհարգալի վերաբերմունք ցուցաբերելու» գործով Էքրեմ Իմամօղլուն դատապարտվել էր երկու տարի, յոթ ամիս և 15 օր ազատազրկման։ Իմամօղլուն մեղադրվում է 2019 թվականի Ստամբուլի քաղաքապետի ընտրությունների արդյունքները չեղարկողներին «հիմարներ» անվանելու համար։