Քաղաքականություն
10.09.2026 | 12:52
ԱՄՆ նախագահ Դոնալդ Թրամփը մեկնաբանել է Ռուսաստանի նախագահ Վլադիմիր Պուտինի հետ վերջերս ունեցած հեռախոսազրույցը, որը տեղի է ունեցել նրա բանագնացներ Սթիվ Ուիթկոֆի և Ջարեդ Քուշների գլխավորած ամերիկյան պատվիրակության՝ Մոսկվա և Կիև կատարած այցից երկու օր անց, փոխանցում է BBC-ի ռուսական ծառայությունը։
Թրամփը հայտարարել է, որ Վլադիմիր Պուտինի հետ «հիանալի զրույց» է ունեցել, և որ ռուս առաջնորդը ցանկանում է գործարք կնքել Ուկրաինայում պատերազմը դադարեցնելու վերաբերյալ։
«Նա ցանկանում է գործարք կնքել, և եթե [Ուկրաինայի նախագահ Վլադիմիր] Զելենսկին ցանկանում է գործարք կնքել, դա շատ լավ կլինի»,- լրագրողներին ասել է Թրամփը։
Ռուսաստանի նախագահի օգնական Յուրի Ուշակովն ավելի վաղ հայտնել էր, որ հեռախոսազրույցը տևել է «ուղիղ մեկ ժամ» և վերաբերել է Ուկրաինայում պատերազմին։
Թարգմանությունը՝ Էմմա Չոբանյանի