https://arm.sputniknews.ru/20260910/irani-agnn-herqel-e-emeni-gvortserin-mijamtelu-masin-amn-petqartughari-meghadranqnery-106663510.html
Իրանի ԱԳՆ–ն հերքել է Եմենի գործերին միջամտելու մասին ԱՄՆ պետքարտուղարի մեղադրանքները
Իրանի ԱԳՆ–ն հերքել է Եմենի գործերին միջամտելու մասին ԱՄՆ պետքարտուղարի մեղադրանքները
Sputnik Արմենիա
ԱՄՆ պետքարտուղարը լրագրողներին հայտնել է, որ հութիները Իրանի գործակալներ են։ 10.09.2026, Sputnik Արմենիա
2026-09-10T12:44+0400
2026-09-10T12:44+0400
2026-09-10T12:45+0400
իրանի իսլամական հանրապետություն
իսմայիլ բաղայի
եմեն
հութի
ամն
մարկո ռուբիո
https://cdn.am.sputniknews.ru/img/07e9/06/1e/90785395_0:78:1200:753_1920x0_80_0_0_3972e311085d3c28d4f857ad0bf86868.jpg.webp
ԵՐԵՎԱՆ, 10 սեպտեմբերի – Sputnik. Իրանի ԱԳՆ պաշտոնական ներկայացուցիչ Իսմայիլ Բաղային հերքել է ԱՄՆ պետքարտուղարի հայտարարություններն այն մասին, թե իբր Թեհրանը միջամտել է Եմենի գործերին։«Մարկո Ռուբիոյի ստերը չեն կարող փոխարինել իրականությանը», – գրել է դիվանագետը X սոցցանցում։Բաղային ընդգծել է, որ «Անսար Ալլահ» շարժումը անկախ խաղացող է, որը ինքնուրույն է որոշումներ կայացնում և չի ենթարկվում որևէ մեկի հրամաններին։Իրանի ԱԳՆ ներկայացուցչի խոսքով՝ տարածաշրջանում իրավիճակի ապակայունացման իրական պատճառները պետք է փնտրել ԱՄՆ–ի ռազմական միջամտությունների և նրա գերիշխանության քաղաքականության մեջ։Բաղային նաև ընդգծել է, որ Եմենում հակամարտության կարգավորումն անհնար է ուժային ճնշման միջոցով։Ավելի վաղ Ռուբիոն հայտարարել էր, որ հութիները Իրանի գործակալներ են. «Կարծում եմ, որ որոշ իրադարձությունների հետևում ակնհայտորեն Իրանի ազդեցությունն է կանգնած։ ԱՄՆ–ն շատ ամուր պաշտպանական կապեր ունի Սաուդյան Արաբիայի հետ։ Մենք ուշադիր հետևում ենք այդ իրադարձություններին։ Արդեն որոշակի ժամանակ է, որ դա շարունակվում է»։
իրանի իսլամական հանրապետություն
եմեն
ամն
2026
Լուրեր
am_HY
https://cdn.am.sputniknews.ru/img/07e9/06/1e/90785395_133:0:1200:800_1920x0_80_0_0_d03b4410482891c3fbbd5c43ba2bd8ff.jpg.webp
իրանի իսլամական հանրապետություն, իսմայիլ բաղայի, եմեն, հութի, ամն, մարկո ռուբիո
իրանի իսլամական հանրապետություն, իսմայիլ բաղայի, եմեն, հութի, ամն, մարկո ռուբիո
ԱՄՆ պետքարտուղարը լրագրողներին հայտնել է, որ հութիները Իրանի գործակալներ են։
ԵՐԵՎԱՆ, 10 սեպտեմբերի – Sputnik. Իրանի ԱԳՆ պաշտոնական ներկայացուցիչ Իսմայիլ Բաղային հերքել է ԱՄՆ պետքարտուղարի հայտարարություններն այն մասին, թե իբր Թեհրանը միջամտել է Եմենի գործերին։
«Մարկո Ռուբիոյի ստերը չեն կարող փոխարինել իրականությանը», – գրել է դիվանագետը X սոցցանցում։
Բաղային ընդգծել է, որ «Անսար Ալլահ» շարժումը անկախ խաղացող է, որը ինքնուրույն է որոշումներ կայացնում և չի ենթարկվում որևէ մեկի հրամաններին։
Իրանի ԱԳՆ ներկայացուցչի խոսքով՝ տարածաշրջանում իրավիճակի ապակայունացման իրական պատճառները պետք է փնտրել ԱՄՆ–ի ռազմական միջամտությունների և նրա գերիշխանության քաղաքականության մեջ։
«Եթե Վաշինգտոնը իսկապես ձգտեր խաղաղություն հաստատելուն, ապա մի պարզ քայլ կաներ՝ կդադարեցներ իր չարամիտ գործողությունները և ապակառուցողական միջամտությունը մեր տարածաշրջանի գործերին», – հավելել է նա։
Բաղային նաև ընդգծել է, որ Եմենում հակամարտության կարգավորումն անհնար է ուժային ճնշման միջոցով։
Ավելի վաղ Ռուբիոն հայտարարել էր, որ հութիները Իրանի գործակալներ են. «Կարծում եմ, որ որոշ իրադարձությունների հետևում ակնհայտորեն Իրանի ազդեցությունն է կանգնած։ ԱՄՆ–ն շատ ամուր պաշտպանական կապեր ունի Սաուդյան Արաբիայի հետ։ Մենք ուշադիր հետևում ենք այդ իրադարձություններին։ Արդեն որոշակի ժամանակ է, որ դա շարունակվում է»։